Xarici İşlər Nazirliyi – Ordu Hakimiyet https://orduhakimiyet.com Mon, 01 Apr 2024 19:32:54 +0000 tr hourly 1 https://orduhakimiyet.com/wp-content/uploads/2025/03/cropped-ordu-hakimiyet-32x32.webp Xarici İşlər Nazirliyi – Ordu Hakimiyet https://orduhakimiyet.com 32 32 Xarici İşlər Nazirliyi tərəfindən təşkil olunmuş iftar tədbiri barədə mətbuat məlumatı https://orduhakimiyet.com/xarici-isl%c9%99r-nazirliyi-t%c9%99r%c9%99find%c9%99n-t%c9%99skil-olunmus-iftar-t%c9%99dbiri-bar%c9%99d%c9%99-m%c9%99tbuat-m%c9%99lumati-h55848.html Mon, 01 Apr 2024 19:32:54 +0000 https://1453kralmedya.com/xarici-isl%c9%99r-nazirliyi-t%c9%99r%c9%99find%c9%99n-t%c9%99skil-olunmus-iftar-t%c9%99dbiri-bar%c9%99d%c9%99-m%c9%99tbuat-m%c9%99lumati-h55848.html

No:141/24, Xarici İşlər Nazirliyi tərəfindən təşkil olunmuş iftar tədbiri barədə mətbuat məlumatı

 

1 aprel 2024-cü il tarixində müqəddəs Ramazan ayı münasibətilə ölkəmizdə akkreditə olunmuş müsəlman ölkələrinin səfirlərinin iştirakı ilə iftar tədbiri təşkil olunub.

 

Azərbaycan Respublikasının xarici işlər naziri Ceyhun Bayramov tədbirdə çıxış edib.

Resim

 

Qarşıdan gələn müqəddəs Ramazan bayramı münasibətilə səmimi təbriklərini çatdıran nazir Ceyhun Bayramov bu dəyərli ayda bütün İslam dünyasına sülh, rifah və əmin-amanlıq arzu edib.

 

 

 

Nizam-intizam, qarşılıqlı anlayış və dəstəyi özündə ehtiva edən müqəddəs Ramazan ayının müsəlman aləmini bir-birinə daha da yaxınlaşdırdığını bildirən nazir Ceyhun Bayramov İslamın bu yüksək dəyərlərinin öz növbəsində milli irsimizin ayrılmaz tərkib hissəsi olduğunu diqqətə çatdırıb.

 

Azərbaycanda müxtəlif dinlərin nümayəndələrinin sülh və harmoniya şəraitində yaşadığı, heç bir zəmində diskriminasiyasının mövcud olmadığı məmnunluqla vurğulanıb.

 

Müqəddəs Ramazan ayını qeyd etdiyimiz bu günlərdə, İslam aləminin üzləşdiyi bir sıra çağırışlara, İslamofobiya meyllərinə, müsəlmanlara qarşı ayrı-seçkilik hallarının artması kimi məsələlərə vurğu edilib. Bu kimi təhdidlərin bir sıra ölkələrin milli siyasətinə çevrildiyi qeyd edilib və bundan ciddi narahatlıq ifadə olunub.

Resim

 

Bununla yanaşı, dünyanın müxtəlif bölgələrində baş verən münaqişələrin, xüsusilə İsrail-Fələstin münaqişəsinin yenidən alovlanmasının, Qəzza bölgəsindəki humanitar vəziyyətin ciddi narahatlıq doğurduğu bildirilib, tezliklə atəşkəs əldə olunmasının vacibliyi vurğulanıb. Mövcud çağırışlara qarşı birgə mübarizədə, habelə münaqişələrin beynəlxalq hüquq normaları çərçivəsində sülh yolu ilə həllinin təşviqində birlik və həmrəyliyin nümayiş olunmasının əhəmiyyəti qeyd edilib.

 

30 ilə yaxın münaqişədən sonra Azərbaycan torpaqlarının işğaldan azad olunmasının, ölkəmizin bütün ərazilərində suverenliyimizin bərpasının ölkəmiz və bölgəmiz üçün əhəmiyyətindən bəhs edən nazir, hərbi işğalın aradan qaldırılmasının, Müzəffər Ali Baş Komandanın rəhbərlik etdiyi Azərbaycan Ordusunun şanlı zəfərinin eyni zamanda, İslam dininə aid abidələrin də dağıdılmasına son qoyduğunu qeyd edib.

Resim

 

Tədbirdə ərazi bütövlüyümüz uğrunda canlarından keçən Şəhidlərimizin əziz xatirəsi yad edilib.

 

 

 

Daha sonra çıxış edən ölkəmizdəki diplomatik korpusun duayeni, Fələstinin ölkəmizdəki səfiri Nəssir Əbdül Kərim Əbdül Rəhim Ramazan ayı münasibətilə bütün müsəlman aləminə sülh, əmin-amanlıq və tərəqqi arzu edərək, bütün ibadətlərin qəbul olmasını diləyib.

 

Qafqaz Müsəlmanları İdarəsinin nümayəndəsi İmam Qurban Əliyev tərəfindən iftar duasının oxunmasından sonra mərasim iştirakçıları üçün iftar süfrəsi açılıb.

 

 

 

Paylaş
BÜTÜN XƏBƏRLƏR

Kaynak:https://mfa.gov.az/az/news/no14124

 

 

 

 

]]> Xarici İşlər Nazirliyinin rəhbər heyətinin Azərbaycanın İrandakı Səfirliyinə qarşı törədilmiş terror aktı nəticəsində şəhid olmuş Orxan Əsgərovun məzarını ziyarətinə dair mətbuat məlumatı https://orduhakimiyet.com/xarici-isl%c9%99r-nazirliyinin-r%c9%99hb%c9%99r-hey%c9%99tinin-az%c9%99rbaycanin-irandaki-s%c9%99firliyin%c9%99-qarsi-tor%c9%99dilmis-terror-akti-n%c9%99tic%c9%99sind%c9%99-s%c9%99hid-olmus-orxan-h53866.html Sun, 28 Jan 2024 17:43:19 +0000 https://1453kralmedya.com/xarici-isl%c9%99r-nazirliyinin-r%c9%99hb%c9%99r-hey%c9%99tinin-az%c9%99rbaycanin-irandaki-s%c9%99firliyin%c9%99-qarsi-tor%c9%99dilmis-terror-akti-n%c9%99tic%c9%99sind%c9%99-s%c9%99hid-olmus-orxan-h53866.html

 

 

 

 

No:034/24, Xarici İşlər Nazirliyinin rəhbər heyətinin Azərbaycanın İrandakı Səfirliyinə qarşı törədilmiş terror aktı nəticəsində şəhid olmuş Orxan Əsgərovun məzarını ziyarətinə dair mətbuat məlumatı

 

 

27 yanvar 2024-cü il tarixində Xarici İşlər Nazirliyinin rəhbər heyəti ötən il Azərbaycan Respublikasının İran İslam Respublikasındakı Səfirliyinə qarşı törədilmiş terror aktı nəticəsində şəhid olmuş Orxan Əsgərovun məzarını ziyarət edib.

 

 

 

Xarici işlər naziri Ceyhun Bayramovun rəhbərlik etdiyi heyət ziyarət zamanı şəhidlik zirvəsinə yüksələn həmkarımızın məzarı önünə əklil qoyub, xatirəsini dərin hörmət və ehtiramla yad edib.

 

Allah rəhmət eləsin!

 

 

 

 

Paylaş

BÜTÜN XƏBƏRLƏR

kaynak:https://mfa.gov.az/az/news/no03424

 

 

 

]]> Komitədə “İnsan alveri ilə mübarizədə diasporun rolu” mövzusu müzakirə edilib https://orduhakimiyet.com/komit%c9%99d%c9%99-insan-alveri-il%c9%99-mubariz%c9%99d%c9%99-diasporun-rolu-movzusu-muzakir%c9%99-edilib-h48902.html Sat, 26 Aug 2023 06:31:49 +0000 https://1453kralmedya.com/komit%c9%99d%c9%99-insan-alveri-il%c9%99-mubariz%c9%99d%c9%99-diasporun-rolu-movzusu-muzakir%c9%99-edilib-h48902.html

 

 

Komitədə “İnsan alveri ilə mübarizədə diasporun rolu” mövzusu müzakirə edilib

2023

 

Komitədə “İnsan alveri ilə mübarizədə diasporun rolu” mövzusu müzakirə edilib
Diasporla İş üzrə Dövlət Komitəsində “İnsan alveri ilə mübarizədə diasporun rolu” mövzusunda tədbir keçirilib.

 

 

 

 

“Təmiz Dünya” Qadınlara Yardım İctimai Birliyinin təşəbbüsü və Daxili İşlər Nazirliyinin (DİN) iştirakı ilə baş tutan tədbir insan alveri ilə mübarizə üzrə 4-cü, 2020 – 2024-cü illər üzrə Milli Fəaliyyət Planının icrasında iştirakçı tərəflərlə fəaliyyətlərin inkişafı və QHT əməkdaşlığının gücləndirilməsi məqsədilə təşkil edilib.

 

 

 

 

Tədbir iştirakçılarını salamlayan Komitə Aparatının rəhbəri Daşqın Rəcəbli insan alveri ilə mübarizə məqsədilə Baş Nazirin sərəncamı ilə işçi qrupunun yaradıldığını və bir ilə yaxındır bu işlə məşğul olduqlarını vurğulayıb. “Qardaş Türkiyədə sənədi olmayan 10 minlərlə vətəndaşımız yaşayır. Onlardan 5 minə yaxınının müraciətinə baxılıb, 3 minə yaxın vətəndaşımız pasportla təmin edilib. Bu şəxslər 90-cı illərdə öz həyatını yenidən qurmaq və başqa səbəblərlə ölkədən SSRİ pasportu və ya şəxsiyyət vəsiqəsini əvəz edən “Forma 9” adlı sənədlə Türkiyəyə gedənlərdir. Türkiyədə yaşasalar da, bu şəxslərin təhsil və digər hüquqlardan istifadəsi məhdud olub”,- deyə Daşqın Rəcəbli bildirib.

Nəzərə çatdırılıb ki, Azərbaycan Prezidenti İlham Əliyevin göstərişinə əsasən, bir neçə dövlət qurumu – Xarici İşlər Nazirliyi, Daxili İşlər Nazirliyi, Dövlət Miqrasiya Xidməti, Diasporla İş üzrə Dövlət Komitəsi bu problemi həll etmək üçün birgə fəaliyyət göstərir və Türkiyədəki vətəndaşlarımızı sənədlə təmin etməyə çalışır.

 

 

 

 

Tədbirdə DİN İnsan Alverinə qarşı Mubarizə Baş İdarəsinin baş əməliyyat müvəkkili Vamiq Namənzadə, BMT-nin Azərbaycan nümayəndəliyinin əməkdaşı Anar İskəndərov, Qeyri-Hökumət Təşkilatlaırna Dövlət Dəstəyi Agentliyinin Müşahidə Şurasının üzvü Zaur İbrahimli, “Təmiz dünya” Qadınlara Yardım İctimai Birliyinin sədri Mehriban Zeynalova, “Ümidli Gələcək” təşkilatının sədri Kəmalə Aşumova, Azərbaycan Uşaqları Birliyinin sədri Kəmalə Ağazadə, “Ailə dünyası” ailələrə hüquqi yardım İB-nin sədri Gülayə Səfərova, İslahatçı qadınlar və İnnovasiyalar İB-nin sədri Vüsalə Hüseynli və “Qadın Təşəbüsü və Sosial Problemlərin həllinə Yardım” İB-nin sədri Zenfira Mustafayeva çıxış ediblər.

Natiqlər insan alveri ilə mübarizədə hökumət, diaspor, beynəlxalq və yerli qeyri-hökumət təşkilatları ilə əməkdaşlıqdan, diasporun və QHT-lərin rolundan, bu sahədə qarşıya çıxan problemlərdən bəhs ediblər. Son zamanlar sosial şəbəkələrin insan alverində və miqrant qaçaqmalçılığında rolunun artdığı, maarifləndirmə sahəsində diasporun ciddi rol oynaya biləcəyi vurğulanıb, insan alverinə qarşı diasporla birgə görülən işə dair konkret nümunələr göstərilib.

“Gələcəkdə qanunvericiliyin təkmilləşdirilməsindən sonra miqrantları da bura əlavə etmək istəyirik. Həmçinin, daimi olaraq həssas qruplarla maarifləndirmə işləri həyata keçiririk. İnsanlar getdikləri ölkənin qanunlarını da bilməlidirlər”, – deyə DİN İnsan Alverinə qarşı Mubarizə Baş İdarəsinin baş əməliyyat müvəkkili V.Nemanzadə vurğulayıb.

 

 

 

 

Komitənin əməkdaşlarının, bir sıra ölkələrdən olan diaspor fəallarının, qeyri-hökumət təşkilatları və ictimai birlik sədrlərinin qatıldığı tədbir müzakirələrlə davam edib.

Qeyd edək ki, bundan öncə bu mövzuda tədbir Dini Qurumlarla İş üzrə Dövlət Komitəsində keçirilib. Gələcəkdə digər dövlət qurumlarında da görüşlərin təşkili nəzərdə tutulur.

 

FOTO QALEREYA

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/komitede-insan-alveri-ile-mubarizede-diasporun-rolu-movzusu-muzakire-edilib-3396

 

 

]]>