Girne şəhərində Zəfər Günü münasibətilə bayram tədbiri olub

, 2023

Girne şəhərində Zəfər Günü münasibətilə bayram tədbiri olub

Şimali Kipr Türk Respublikasının Girne şəhərində 8 Noyabr – Zəfər Gününə həsr olunmuş bayram tədbiri keçirilib.

Şimali Kipr Türk Respublikasında fəaliyyət göstərən Azərbaycan-Kipr Dostluq Cəmiyyətinin təşkilatçılığı ilə baş tutan tədbirdə hökumətin, yerli ictimaiyyətin və Azərbaycan icmasının təmsilçiləri iştirak ediblər.

Tədbir iştirakçılarını salamlayan Azərbaycan-Kipr Dostluq Cəmiyyətinin sədri Orxan Həsənoğlu möhtəşəm bayram münasibətilə xalqımızı və türk dünyasını təbrik edib: “Bu misilsiz və parlaq Zəfər əzəli torpaqlarımızı həyatları bahasına qaytaran, şəhadət zirvəsinə yüksəlmiş şəhidlərimizin və qazilərimizin yazdığı qəhrəmanlıq salnaməsidir. Qəhrəman Azərbaycan əsgəri təkcə Vətənimiz üçün deyil, bütün region üçün təhlükə olan erməni faşizminin başını əzərək, sülhün, əmin-amanlığın, azadlıq və rifahın təminatçısına çevrildi. Azərbaycan xalqına bu tarixi qələbəni yaşadan Prezident, Müzəffər Ali Baş Komandan İlham Əliyevin apardığı uğurlu daxili və xarici siyasət, xalqımızın birliyi sayəsində bu günləri görürük”.

Cəmiyyət sədri eyni zamanda diasporumuzun Qarabağ həqiqətlərinin dünya ictimaiyyətinə çatdırılması istiqamətdə geniş iş apardığını xatırladıb, diaspor təşkilatlarına diqqət və qayğı ilə yanaşan Diasporla İş üzrə Dövlət Komitəsinə minnətdarlığını bildrib.

Şimali Kipr Türk Respublikasının baş naziri Ünal Üstel, Avrasiya Sənət, Kültür, Ədəbiyyat və Bilim Federasiyasının sədri Savaş Ünal çıxışlarında bütün türk dünyasını sevindirən xalqımıza xoş arzularını bildiriblər. Türkiyə və Azərbaycan birliyinin əhəmiyyətindən söz açıblar.

Baş nazir bir müddət öncə Azərbaycanda səfərdə olduqlarını yada salıb: “Prezident İlham Əliyevin ölkənizdə apardığı işlərlə yaxından tanış olduq. Sözün tam anlamı ilə qürur hissi yaşadıq. Qısa zamanda bu qədər beynəlxalq nüfuz əldə etmək onun mükəmməl dövlət adamı və lider olmasının nəticəsidir. Biz Azərbaycanla qarşılıqlı əlaqələr qurmaqdan böyük məmnuniyyət hissi yaşayacağıq. Türk dövlətlərinin birliyi bizi gələcəyə güclü dövlətlər olaraq çıxaracaq”.

Tədbir Azərbaycan və Türkiyə sənətçilərinin ifasında konsert proqramı ilə başa çatıb.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/girne-seherinde-zefer-gunu-munasibetile-bayram-tedbiri-olub-3812

Girne şəhərində “Multikultural Beynəlxalq Uşaq Festivalı” təşkil edilib
, 2023

Girne şəhərində “Multikultural Beynəlxalq Uşaq Festivalı” təşkil edilib

Şimali Kipr Türk Respublikasının Girne şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Multikultural Beynəlxalq Uşaq Festivalı” tədbiri keçirilib.

Azərbaycan-Kipr Dostluq Cəmiyyətinin nəzdində fəaliyyət göstərən Azərbaycan Mədəniyyət Mərkəzində baş tutan tədbirdə adada yaşayan 200-dən çox yerli və əcnəbi ailələrin övladları iştirak ediblər.

Tədbir iştirakçılarını salamlayan Azərbaycan-Kipr Dostluq Cəmiyyətinin sədri Orxan Həsənoğlu bildirib ki, 1923-cü il xalqımızın tarixində çox böyük önəm daşıyır: “Xalqımızın böyük öndəri Heydər Əliyev məhz həmin ildə dünyaya göz açıb. 2023-cü ildə Prezident İlham Əliyevin müvafiq Sərəncamı ilə elan olunmuş “Heydər Əliyev İli”ndə Azərbaycanda və xarici ölkələrdə müxtəlif tədbirlər həyata keçirilir. Şimali Kiprdə aktiv fəaliyyət göstərən bir təşkilat olaraq bu gün gələcəyimiz olan uşaqlar üçün “Multikultural Beynəlxalq Uşaq Festivalı” keçirməyimiz təsadüfi deyil. Zəngin mədəniyyətə malik Azərbaycanda multikulturalizm və tolerantlıq dəyərlərinə çox yüksək səviyyədə və böyük hörmətlə yanaşılır”, – deyə cəmiyyət sədri vurğulayıb.

Festivalda müxtəlif sənətçilərin və Azərbaycan Mədəniyyət Mərkəzinin əməkdaşlarının ifasında konsert proqramı təqdim olunub. Uşaqlar əyləncəli oyunlarda fəal iştirak ediblər və rəsmlər çəkiblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/girne-seherinde-multikultural-beynelxalq-usaq-festivali-teskil-edilib-2968

Şimali Kipr Türk – Ordu Hakimiyet

Girne şəhərində Zəfər Günü münasibətilə bayram tədbiri olub

Girne şəhərində “Multikultural Beynəlxalq Uşaq Festivalı” təşkil edilib