Stokholmdakı “Qarabağ” Azərbaycan məktəbinin şagirdləri Zəfər Gününə hazırlaşır

, 2023

Stokholmdakı “Qarabağ” Azərbaycan məktəbinin şagirdləri Zəfər Gününə hazırlaşır

Stokholm şəhərində fəaliyyət göstərən İsveç-Azərbaycan Mədəniyyəti Dərnəyinin (SAF) nəzdindəki “Qarabağ” Azərbaycan həftəsonu məktəbinin şagirdləri 8 Noyabr – Zəfər Günü bayramına hazırlaşır.

Dərnəyin rəhbəri Sevda Dadaşova bildirib ki, həmin gün məktəbdə Vətən müharibəsi şəhidlərinin əziz xatirəsi ehtiramla yad ediləcək. “Qarabağ” məktəbinin şagirdlərinin ifasında vətənpərvərlik mövzusunda mahnılar və şeirlər səsləndiriləcək.

Bundan başqa, şagirdlərin Zəfər Gününə həsr etdikləri video-çarx nümayiş etdiriləcək.

Qeyd edək ki, Stokholm şəhərində “Qarabağ” Azərbaycan məktəbi 1 sentyabr 2018-ci ildən fəaliyyət göstərir. Bu tədris ocağı İsveçdə doğulmuş azərbaycanlı uşaqların assimilyasiyaya uğramasının qarşısını almaq, milli kimliyinin unudulmasına yol verməmək, Azərbaycan tarixini və mədəniyyətini, milli adət-ənənələrimizi öyrətmək məqsədilə yaradılıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-mektebinin-sagirdleri-zefer-gunune-hazirlasir-3752

Stokholmda Novruz bayramı münasibətilə konsert təşkil edilib

, 2023
Stokholmda Novruz bayramı münasibətilə konsert təşkil edilib
İsveç Krallığının paytaxtı Stokholmda Novruz bayramına həsr olunmuş tədbir keçirilib.

“SAF” İsveç-Azərbaycan Dərnəyi tərəfindən təşkil edilən bayram şənliyində Azərbaycanın İsveç Krallığındakı səfirliyinin əməkdaşları, Azərbaycan və türk diasporlarının, yerli ictimaiyyətin və KİV-lərin nümayəndələri iştirak edilər.

Tədbir Azərbaycanın Dövlət Himninin səsləndirilməsi ilə başlayıb.

Tədbir iştirakçılarını salamlayan dərnəyin sədri Sevda Dadaşova xalqımızı, dünya azərbaycanlılarını və türk dünyasını Novruz bayramı münasibətilə təbrik edib. Dostluq, birlik, xeyirxahlıq, mərhəmət və bərəkət rəmzi olan bayramın yeni dövr və yeni həyatın başlanğıc ənənələrini özündə əks etdirdiyini bildirib.

Azərbaycanın İsveçdəki səfirliyinin əməkdaşı Nail Qocayev və başqaları soydaşlarımızı bayram münasibətilə təbrik ediblər. Bayramın tarixi əhəmiyyətindən danışan azərbaycanlı diplomat xalqımızın bütün dövrlərdə Novruza xas adət-ənənələri qoruyub saxladığını nəzərə çatdırıb.

Konsert proqramı ilə davam edən tədbirdə Azərbaycandan gələn ifaçılar Cemale Alan-Berk və Anar Rüstəmov, Stokholmda yaşayan müqənni Elnur Muradov, “SAF”ın nəzdindəki “Qarabağ” rəqs qrupu, tanınmış türk sənətçiləri Bora Sərbulənt, Harun Çinar və Gültekin Özcan çıxış ediblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/stokholmda-novruz-bayrami-munasibetile-konsert-teskil-edilib-2652

“SAF” – Ordu Hakimiyet

Stokholmdakı “Qarabağ” Azərbaycan məktəbinin şagirdləri Zəfər Gününə hazırlaşır

Stokholmda Novruz bayramı münasibətilə konsert təşkil edilib