Estoniya paytaxtında azərbaycanlı rəssamın fərdi sərgisi təqdim olunub

, 2023

Estoniya paytaxtında azərbaycanlı rəssamın fərdi sərgisi təqdim olunub

Tallinn şəhərindəki Dizayn və Memarlıq Qalereyasında tanınmış azərbaycanlı rəssam Rövşən Nurun əsərlərindən ibarət sərgi açılıb.

Diasporla İş üzrə Dövlət Komitəsinin dəstəyi ilə “Heydər Əliyev İli” çərçivəsində baş tutan sərginin açılış mərasimində rəsmi şəxslər, mədəniyyət və incəsənət xadimləri, Estoniyada yaşayan etnik azlıqların nümayəndələri iştirak ediblər.

Sərgidə rəssamın “Tarix” mövzusunda Estoniya və Azərbaycanda yaratdığı 100-ə yaxın əsər nümayiş etdirilib. Azərbaycan xalçaçılıq sənətinin müxtəlif nümunələrinin rəngarəng gözəlliyini əks etdirən əsərlər milli mədəniyyətimiz və incəsənətimizin özünəməxsus dərinliklərinə nüfuz etməyə unikal imkan yaradıb.

Mərasim iştirakçılarını salamlayan Rövşən Nur bildirib ki, Diasporla İş üzrə Dövlət Komitəsinin dəstəyi sayəsində yayda Azərbaycana səfər edib: “Bakı və Naxçıvanda oldum, oralarda çoxlu rəsmlər çəkdim. Azərbaycan xalqının ümummilli lideri Heydər Əliyevin 100 illiyinə həsr olunmuş portret yaratdım. Bu portret də sərgimizi bəzəyir”.

Tədbirin bədii hissəsində qonaqlara milli musiqi və rəqslərimiz, həmçinin Azərbaycan mətbəxinin ləziz təamları təqdim edilib. Sentyabrın sonunadək davam edəcək sərgidə ziyarətçilər xalçatoxuma və naxışların rəsmi üzrə ustad dərslərində də iştirak edə biləcəklər.

Qeyd edək ki, azərbaycanlı rəssamın digər sərgisi Milli Mədəniyyətlər Günü ilə əlaqədar Tallinnin “Baron” hotelində nümayiş etdirilib. Sentyabrın 24-dək davam edəcək bu sərgidə də Azərbaycanın milli xalçaları nümayiş etdirilir, xalçaçılıq üzrə ustad dərslərinin təşkili nəzərdə tutulur.

Xatırladaq ki, Rövşən Nur iyirmi ildən çoxdur Estoniyada yaşayır. Çoxlu sayda beynəlxalq və yerli sərgilərin iştirakçısı olan rəssam öz yaradıcılığı ilə Estoniya sənətsevərlərinin rəğbətini qazanıb. Onun mütəmadi sərgiləri və digər tədbirləri vasitəsilə eston ictimaiyyəti Azərbaycanın mədəniyyəti, incəsənəti və adət-ənənələri ilə yaxından tanış olmaq imkanı əldə edir.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/estoniya-paytaxtinda-azerbaycanli-ressamin-ferdi-sergisi-teqdim-olunub-3546

Ər-Riyadda keçirilən sərgidə azərbaycanlı rəssamın əsərləri nümayiş etdirilib
, 2023

Ər-Riyadda keçirilən sərgidə azərbaycanlı rəssamın əsərləri nümayiş etdirilib

Səudiyyə Ərəbistanı Krallığının paytaxtı Ər-Riyadda keçirilən rəsm sərgisində azərbaycanlı rəssam Aynur Paşayevanın əsərləri nümayiş etdirilib.

Şahzadə Mişaal bin Məhəmməd bin Səud bin Əbdüləzizin himayəsi ilə “Vision 2030” proqramı çərçivəsində gerçəkləşdirilən sərgidə Səudiyyə Ərəbistanı, İordaniya, Misir, Tunis, Bəhreyn, Livan, Əlcəzair, İraq, Azərbaycan və digər ölkələri təmsil edən rəssamların əsərləri təqdim edilib.

Sərginin açılış mərasimində Azərbaycanın Səudiyyə Ərəbistanındakı səfirliyinin əməkdaşları, diplomatik korpusun, yerli ictimaiyyətin nümayəndələri və bu ölkədə yaşayan soydaşlarımız iştirak ediblər.

Sərgidə uğurlu iştirakına görə azərbaycanlı rəssama təşəkkürnamə təqdim edilib.

Qeyd edək ki, Aynur Paşayevanın əsərləri ilk dəfə 2023-cü ilin martında “Vision 2030” proqramı çərçivəsində Ər-Riyadda gerçəkləşdirilən sərgidə nümayiş etdirilib. Onun əsərləri böyük rəğbətlə qarşılanıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/er-riyadda-kecirilen-sergide-azerbaycanli-ressamin-eserleri-numayis-etdirilib-3080

rəssamın – Ordu Hakimiyet

Estoniya paytaxtında azərbaycanlı rəssamın fərdi sərgisi təqdim olunub

Ər-Riyadda keçirilən sərgidə azərbaycanlı rəssamın əsərləri nümayiş etdirilib