Azərbaycan Respublikası Diasporla İş üzrə Dövlət Komitəsi – Ordu Hakimiyet https://orduhakimiyet.com Tue, 27 Jun 2023 07:30:03 +0000 tr hourly 1 https://orduhakimiyet.com/wp-content/uploads/2025/03/cropped-ordu-hakimiyet-32x32.webp Azərbaycan Respublikası Diasporla İş üzrə Dövlət Komitəsi – Ordu Hakimiyet https://orduhakimiyet.com 32 32 Almatı şəhərində Heydər Əliyevin 100 illiyi münasibətilə beynəlxalq forum təşkil edilib https://orduhakimiyet.com/almati-s%c9%99h%c9%99rind%c9%99-heyd%c9%99r-%c9%99liyevin-100-illiyi-munasib%c9%99til%c9%99-beyn%c9%99lxalq-forum-t%c9%99skil-edilib-h46939.html Tue, 27 Jun 2023 07:30:03 +0000 https://1453kralmedya.com/almati-s%c9%99h%c9%99rind%c9%99-heyd%c9%99r-%c9%99liyevin-100-illiyi-munasib%c9%99til%c9%99-beyn%c9%99lxalq-forum-t%c9%99skil-edilib-h46939.html

Almatı şəhərində Heydər Əliyevin 100 illiyi münasibətilə beynəlxalq forum təşkil edilib

 

 

2023

 

 

 

 

Almatı şəhərində Heydər Əliyevin 100 illiyi münasibətilə beynəlxalq forum təşkil edilib

 

 

 

Qazaxıstanın Almatı şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş beynəlxalq forum keçirilib.

 

 

 

“Ata Yurd Nomad” Respublika İctimai Birliyi və Dünya Ahıska Türkləri Birliyinin birgə təşkilatçılığı ilə baş tutan forumda öncə ümummili lider Heydər Əliyevin, Türkiyə və Azərbaycanın ərazi bütövlüyü uğrunda canlarından keçmiş şəhidlərin, Abay bölgəsində yanğın zamanı həlak olanların əziz xatirəsi bir dəqiqəlik sükutla yad edilib. Ardınca Azərbaycan, Türkiyə və Qazaxıstanın dövlət himnləri səsləndirilib.

 

 

 

Tədbir ulu öndər Heydər Əliyevin həyatını və siyasi fəaliyyətini, eləcə də Qazaxıstanla Azərbaycanın dostluq və sıx əməkdaşlıq münasibətlərini əks etdirən videoçarxla davam edib.

 

 

 

 

Azərbaycanın Qazaxıstandakı səfiri Ağalar Atamoğlanov, Türkiyənin Qazaxıstan Respublikasındakı səfiri Mustafa Kapucu, Azərbaycan Milli Məclisinin Mədəniyyət komitəsinin sədri Qənirə Paşayeva, Azərbaycan Respublikası Diasporla İş üzrə Dövlət Komitəsinin şöbə müdiri Vüsal Məmmədov, Qazaxıstan Xarici İşlər Nazirliyinin Almatıdakı təmsilçisi Bakıtcan Bulegenov, “Ata Yurd Nomad” birliyinin sədri Süleyman Əhmədov, DATÜB sədri Ziyəddin Kassanov, “Türk Birliyi” jurnalının baş redaktoru Rövşən İsmayılov, digər rəsmi şəxslərin, diaspor və ictimaiyyət nümayəndələrinin qatıldığı tədbirdə çıxış edənlər ümummilli lider Heydər Əliyevin müasir Azərbaycan dövlətinin müstəqilliyinin əldə olunması, qorunub saxlanılması və möhkəmləndirilməsi istiqamətində misilsiz xidmətlər göstərdiyini bildiriblər. yubileyi Türkiyə Respublikasının yaradılmasının 100 illiyinə təsadüf edən ulu öndərin türk dünyasının bir araya gəlməsində müstəsna rolundan danışıblar. Heydər Əliyevin ən böyük arzusunun Qarabağın işğaldan azad edilməsi olduğunu xatırladan natiqlər Prezident İlham Əliyevin ata vəsiyyətini böyük bacarıqla yerinə yetirdiyi məmnunluqla vurğulanıb.

Tədbir çərçivəsində “Heydər Əliyev – 100” kitabı və “Türk birliyi” jurnalının Heydər Əliyevə həsr edilmiş xüsusi buraxılışı təqdim edilib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almati-seherinde-heyder-eliyevin-100-illiyi-munasibetile-beynelxalq-forum-teskil-edilib-3146

]]> Qazaxıstanın Türküstan vilayətində Heydər Əliyevin 100 illiyi qeyd edilib https://orduhakimiyet.com/qazaxistanin-turkustan-vilay%c9%99tind%c9%99-heyd%c9%99r-%c9%99liyevin-100-illiyi-qeyd-edilib-h46773.html Sat, 24 Jun 2023 07:24:57 +0000 https://1453kralmedya.com/qazaxistanin-turkustan-vilay%c9%99tind%c9%99-heyd%c9%99r-%c9%99liyevin-100-illiyi-qeyd-edilib-h46773.html

Qazaxıstanın Türküstan vilayətində Heydər Əliyevin 100 illiyi qeyd edilib
2023

 

 

 

 

Qazaxıstanın Türküstan vilayətində Heydər Əliyevin 100 illiyi qeyd edilib

 

 

 

 

Qazaxıstanın Türküstan vilayətinin Sayram rayonunun Ağsu kəndindəki Mədəniyyət Evində

Azərbaycanın və türk dünyasının görkəmli dövlət xadimi Heydər Əliyevin anadan olmasının 100 illiyinə həsr olunmuş təntənəli tədbir keçirilib.

 

 

 

 

“Qarabağ” Azərbaycan Etnomədəni Birliyinin təşkilatçılığı ilə baş tutan tədbirdə Azərbaycan Respublikası Diasporla İş üzrə Dövlət Komitəsinin, Qazaxıstan Xalq Assambleyasının, Sayram rayonunun yerli icra və qanunverici orqanlarının, Qazaxıstanın Qarabağ Veteranları Şurasının, müxtəlif ictimai təşkilatların və diasporunun nümayəndələri iştirak ediblər.

 

 

 

 

Tədbir iştirakçılarını salamlayan birliyin sədri Ramilə Mustafayeva dünyanın müxtəlif ölkələrində “Heydər Əliyev İli” çərçivəsində tədbirlər keçirildiyini bildirib. Türküstan vilayətində yaşayan icmamızın və müxtəlif millətlərin ulu öndər Heydər Əliyevin Azərbaycan ilə Qazaxıstan arasında ikitərəfli münasibətlərin inkişafında müstəsna rolundan danışıb.

 

 

 

 

 

Tədbirdə çıxış edən Diasporla İş üzrə Dövlət Komitəsinin şöbə müdiri Vüsal Məmmədov müasir Azərbaycan dövlətinin müstəqilliyinin qorunub saxlanması və möhkəmləndirilməsi, ölkəmizin dinamik inkişafında ümummilli liderin misilsiz xidmətləri barədə geniş məlumat verib. Türk dövlətləri, o cümlədən Qazaxıstanla qardaşlıq və dostluq əlaqələrinə xüsusi önəm verən ulu öndər Heydər Əliyevin xatirəsinin böyük ehtiramla yad edildiyinə görə Komitə sədri Fuad Muradovun adından Türküstan vilayətinin rəhbərliyinə, diaspor və ictimaiyyət nümayəndələrinə minnətdarlıq ifadə edilib.

Komitənin adından yerli ictimaiyyət və diaspor fəallarına xatirə hədiyyələri təqdim edilib.

 

 

 

 

Tədbirin bədii hissəsində Azərbaycan və müxtəlif icmaların yaradıcı kollektivlərinin ifasında milli musiqilər və rəqslər nümayiş etdirilib. “Qarabağ” Azərbaycan Etnomədəni Birliyinin nəzdindəki həftəsonu məktəbin şagirdləri tərəfindən Ümummilli liderin xatirəsinə həsr olunmuş şeirlər səsləndirilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qazaxistanin-turkustan-vilayetinde-heyder-eliyevin-100-illiyi-qeyd-edilib-3144

]]> Marneulidə Heydər Əliyevin 100 illik yubileyinə həsr olunmuş cüdo yarışı təşkil edilib https://orduhakimiyet.com/marneulid%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-cudo-yarisi-t%c9%99skil-edilib-h45615.html Mon, 22 May 2023 21:33:28 +0000 https://1453kralmedya.com/marneulid%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-cudo-yarisi-t%c9%99skil-edilib-h45615.html

 

 

Marneulidə Heydər Əliyevin 100 illik yubileyinə həsr olunmuş cüdo yarışı təşkil edilib

, 2023

Marneulidə Heydər Əliyevin 100 illik yubileyinə həsr olunmuş cüdo yarışı təşkil edilib

Gürcüstanın Marneuli şəhərində fəaliyyət göstərən Azərbaycan Evində müasir Azərbaycan dövlətinin qurucusu, görkəmli siyasi və dövlət xadimi, ulu öndər Heydər Əliyevin anadan olmasının 100 illiyi münasibətilə cüdo yarışı keçirilib.

Azərbaycan Respublikası Diasporla İş üzrə Dövlət Komitəsinin tabeliyindəki Azərbaycan Diasporuna Dəstək Fondunun (ADDF) dəstəyi və Gürcüstan Azərbaycanlılarının İnteqrasiya Mərkəzinin (GAİM) təşkilatçılığı ilə baş tutan turnirdə müxtəlif klubları və çəki dərəcələrini təmsil edən 60 idmançı iştirak edib.

 

 

 

Azərbaycanın və Gürcüstanın Dövlət himnlərinin səsləndirilməsi ilə başlayan tədbirdə GAİM-in icraçı direktoru Murad Muradov, Marneuli Bələdiyyə Məclisinin üzvü Mahir Bayramov, ADDF-nin direktorunun müavini Şahin Camalov, Diasporla İş üzrə Dövlət Komitəsinin əməkdaşı Nəriman Əliyev çıxış edərək, turnir iştirakçılarına uğurlar arzulayıblar.

Yarışın sonunda qaliblərə medallar və diplomlar təqdim olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/marneulide-heyder-eliyevin-100-illik-yubileyine-hesr-olunmus-cudo-yarisi-teskil-edilib-2978

 

 

]]> Mahaçqalada Heydər Əliyevə həsr olunmuş beynəlxalq konfrans təşkil edilib https://orduhakimiyet.com/mahacqalada-heyd%c9%99r-%c9%99liyev%c9%99-h%c9%99sr-olunmus-beyn%c9%99lxalq-konfrans-t%c9%99skil-edilib-h45008.html Tue, 09 May 2023 06:38:57 +0000 https://1453kralmedya.com/mahacqalada-heyd%c9%99r-%c9%99liyev%c9%99-h%c9%99sr-olunmus-beyn%c9%99lxalq-konfrans-t%c9%99skil-edilib-h45008.html

 

 

 

 

Mahaçqalada Heydər Əliyevə həsr olunmuş beynəlxalq konfrans təşkil edilib
, 2023

Mahaçqalada Heydər Əliyevə həsr olunmuş beynəlxalq konfrans təşkil edilib

Rusya Federasiyası Dağıstan Respublikasının Mahaçqala şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Azərbaycan – Dağıstan: tarixin mərhələləri” mövzusunda beynəlxalq konfrans keçirilib.

 

Dostluq Evində baş tutan tədbir Mahaçqala Azərbaycanlıları Milli-Mədəni Muxtariyyətinin və Dağıstanın Milli Siyasət və Dini İşlər üzrə Nazirliyinin birgə təşkilatçılığı ilə gerçəkləşdirilib.

 

 

 

Konfransda respublikanın və Dərbənd şəhərinin rəsmi şəxsləri, Azərbaycan Respublikası Diasporla İş üzrə Dövlət Komitəsinin, yerli ictimaiyyətin nümayəndələri, Azərbaycan milli-mədəni muxtariyyətlərinin rəhbərləri və fəaları iştirak ediblər. Onların arasında Mahaçqala Azərbaycanlılarının Milli-Mədəni Muxtariyyətinin sədri Rakif Əzizov, Dərbənd Azərbaycanlılarının Milli-Mədəni Muxtariyyətinin sədri Telman Hacıəliyev, Dərbənd Azərbaycanlılarının Milli-Mədəni Muxtariyyətinin sədr müavini Fazil Nametov, Azərbaycan Dövlət Dram Teatrının direktoru Firdovsi Əsgərov, “Dərbənd şəhəri” şəhər Dairə Deputatlar Məclisinin sədri Həsən Mirzoyev, Dərbənd şəhər icra başçısının müavini Vidadi Zeynalov, Dərbənd rayonunun federal hakimi, Dağıstan Respublikası Ağsaqqallar Şurasının üzvü Salman Aşurov və “Dərbənd şəhəri” şəhər Dairə Deputatlar Məclisinin sədrinin köməkçisi Qəni Panayev olub.

 

Tədbirdə Dağıstanın milli məsələlər və dini işlər üzrə nazirinin birinci müavini Harun Davıdov, Dağıstan Respublikası Milli Məclisinin sədr müavini Kamil Davdiyev, Rusiya Xarici İşlər Nazirliyinin Mahaçqaladakı nümayəndəsinin səlahiyyətlərini icra edən Liliana Maqomedova və başqaları çıxış edərək, Heydər Əliyevin SSRİ və Azərbaycanın tarixində, Azərbaycan Respublikası ilə Rusiya Federasiya arasında ikitərəfli münasibətlərin möhkəmləndirilməsində müstəsna rol oynadığını, onun misilsiz xidmətləri sayəsində Azərbaycanın güclü və çiçəklənən ölkələrdən birinə çevrildiyini vurğulayıblar. “Heydər Əliyev görkəmli şəxsiyyət, müdrik dövlət xadimi, yüksək liderlik keyfiyyətlərinə malik şəxsiyyət idi”, – deyə Harun Davıdov söyləyib.

 

Heydər Əliyevin zəngin intellektual və praktiki miras qoyub getdiyinə diqqət cəlb edilib. “Bu gün onun dövlətlər arasında zəngin intellektual və praktiki irsinə söykənərək, qarşılıqlı etimadın misli görünməmiş səviyyəsi əldə olunub, nazirlik və idarələrin mütəşəkkil iş ritmi müəyyən edilib. O, bir çox mühüm birgə işlərin təşəbbüskarı, hərəkətvericisi olub. 1998-ci ildə Rusiya Federasiyası ilə Azərbaycan Respublikası arasında dostluq, əməkdaşlıq və qarşılıqlı təhlükəsizlik haqqında müqavilənin işlənib hazırlanmasına Heydər Əliyevin şəxsi töhfəsini qeyd etmək kifayətdir”, – deyə Rusiya Xarici İşlər Nazirliyinin Mahaçqaladakı nümayəndəsinin səlahiyyətlərini icra edən Liliana Maqomedova bildirib.

 

Diasporla İş üzrə Dövlət Komitəsinin sədri Fuad Muradovun adından konfrans iştirakçılarını salamlayan Komitənin şöbə müdirinin müavini Əli Baytalov tədbirin yüksək səviyyədə təşkilinə görə təşkilatçılara minnətdarlığını ifadə edib: “Hazırda əlaqələrimiz ən yüksək səviyyədədir, bunu hər iki tərəfdən dövlət nümayəndə heyətlərinin müntəzəm səfərləri sübut edir. Dağıstan və Azərbaycan xalqları arasında münasibətlərin tarixi çox dərinlərə gedib çıxır. Bizi tarixi, mədəni, mənəvi dəyərlər birləşdirir və bu əlaqələrin möhkəmlənməsində xalqımızın ümummilli lideri Heydər Əliyevin böyük əməyi olub”.

 

 

 

Sonra Rusiya Elmlər Akademiyasının Uzaq Şərq Federal Araşdırmalar Mərkəzinin Tarix, Arxeologiya və Etnoqrafiya İnstitutunun elmi işçisi Əminə Xəlilova, Dağıstan Dövlət Universitetinin Milli tarix kafedrasının dosenti Almaz İsmayılova və digər alimlər Dağıstanla Azərbaycan arasında tarixi, mədəni və iqtisadi əlaqələrə dair məruzələrlə çıxış ediblər.

 

Tədbirin Dostluq Evinin qarşısındakı meydanda davam edən bədii hissəsində Azərbaycan Dövlət Dram Teatrının kollektivinin ifasında konsert proqramı təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/mahacqalada-heyder-eliyeve-hesr-olunmus-beynelxalq-konfrans-teskil-edilib-2883

 

 

]]> Daşkənddə dahi şəxsiyyət Heydər Əliyevin anadan olmasının 100 illiyi qeyd olunub https://orduhakimiyet.com/dask%c9%99ndd%c9%99-dahi-s%c9%99xsiyy%c9%99t-heyd%c9%99r-%c9%99liyevin-anadan-olmasinin-100-illiyi-qeyd-olunub-h42417.html Fri, 24 Mar 2023 13:35:58 +0000 https://1453kralmedya.com/dask%c9%99ndd%c9%99-dahi-s%c9%99xsiyy%c9%99t-heyd%c9%99r-%c9%99liyevin-anadan-olmasinin-100-illiyi-qeyd-olunub-h42417.html

 

 

 

 

Daşkənddə dahi şəxsiyyət Heydər Əliyevin anadan olmasının 100 illiyi qeyd olunub
, 2023

Daşkənddə dahi şəxsiyyət Heydər Əliyevin anadan olmasının 100 illiyi qeyd olunub

Daşkənd şəhərinin Mirabad rayonunda müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş tədbir keçirilib.

Tədbirdə ölkəmizin Özbəkistandakı Səfirliyinin, Azərbaycan Respublikası Diasporla İş üzrə Dövlət Komitəsinin əməkdaşları, Özbəkistan Respublikasının Nazirlər Kabineti yanında Millətlərarası münasibətlər və xarici ölkələrlə dostluq münasibətləri Komitəsinin, Türkiyə Milli Mədəniyyət Mərkəzinin nümayəndələri, Respublika Azərbaycan Milli Mədəniyyət Mərkəzinin idarə heyətinin üzvləri, filial sədrləri və yerli sakinlər iştirak ediblər.

 

 

 

 

 

Öncə Heydər Əliyev adına meydanda xalqımızın dahi şəxsiyyətinin barelyefi böyük ehtiramla ziyarət edilib. Abidənin önünə əklil qoyulub və xalqımızın ümummilli liderinin əziz xatirəsi yad edilib.

Tədbirin rəsmi hissəsində Azərbaycanın Özbəkistandakı səfiri Hüseyn Quliyev, Özbəkistan Respublikasının Nazirlər Kabineti yanında Millətlərarası münasibətlər və xarici ölkələrlə dostluq münasibətləri Komitəsinin sədri Rustambek Kurbanov, Diasporla İş üzrə Dövlət Komitəsinin şöbə müdiri Vüsal Məmmədov, Türkiyə Milli Mədəniyyət Mərkəzinin sədri Ömər Salman və başqaları çıxış ediblər.

Ölkələrimizin tarix və mədəniyyət baxımdan bir-birinə sıx bağlı olduğunu vurğulayan natiqlər bildiriblər ki, Azərbaycana rəhbərlik etdiyi dövrlərdə Heydər Əliyev Özbəkistanla və digər türk dövlətləri ilə münasibətlərə xüsusi önəm verirdi. Təkcə Azərbaycanın deyil, həm də türk dünyasının qüdrətli dövlət xadimlərindən biri olan Heydər Əliyev şəxsiyyətinin Özbəkistanda çox sevildiyi, adının Daşkənddə azərbaycanlıların kompakt yaşadığı küçəyə verildiyi, şərəfinə Mirabad rayonunda gözəl park-meydan salındığı və memorial kompleks inşa edildiyi, siyasi irsinin geniş öyrənildiyi nəzərə çatdırılıb. Hazırda Prezident İlham Əliyev və Prezident Şavkat Mirziyoyevin Azərbaycan-Özbəkistan əlaqələrinin daha da möhkəmləndirilməsinə və inkişafına öz töhfələrini verdikləri vurğulanıb.

2023-cü ilin Prezident İlham Əliyev tərəfindən Azərbaycanda “Heydər Əliyev İli” elan olunduğunu xatırladan natiqlər il ərzində Özbəkistanda da ulu öndərə həsr olunmuş bir çox tədbirlər və layihələrin həyata keçirilməsinin nəzərdə tutulduğunu vurğulyıblar.

Konsert proqramı ilə davam edən tədbir çərçivəsində təşkil olunmuş sərgidə ölkəmizin tarixini, mədəniyyətini, adət-ənənələrini və Novruz bayramını əks etdirən nümunələr nümayiş etdirilib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskendde-dahi-sexsiyyet-heyder-eliyevin-anadan-olmasinin-100-illiyi-qeyd-olunub-2670

 

 

 

]]> Gürcü siyasətçi Heydər Əliyevi tarixi İpək Yolunun bərpasının banisi adlandırıb https://orduhakimiyet.com/gurcu-siyas%c9%99tci-heyd%c9%99r-%c9%99liyevi-tarixi-ip%c9%99k-yolunun-b%c9%99rpasinin-banisi-adlandirib-h41998.html Sat, 11 Mar 2023 23:37:06 +0000 https://1453kralmedya.com/gurcu-siyas%c9%99tci-heyd%c9%99r-%c9%99liyevi-tarixi-ip%c9%99k-yolunun-b%c9%99rpasinin-banisi-adlandirib-h41998.html

 

 

 

Gürcü siyasətçi Heydər Əliyevi tarixi İpək Yolunun bərpasının banisi adlandırıb

, 2023
Gürcü siyasətçi Heydər Əliyevi tarixi İpək Yolunun bərpasının banisi adlandırıb
Gürcüstanın nüfuzlu “Sakartvelos Respublika” (Gürcüstan Respublikası) qəzetində “Heydər Əliyev tarixi İpək Yolunun bərbasının banisidir” sərlövhəli məqalə dərc olunub.

Müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş məqalə Azərbaycan Respublikası Diasporla İş üzrə Dövlət Komitəsinin və Tbilisidə fəaliyyət göstərən “Alyans“ Gənclər Mərkəzinin birgə layihəsi əsasında dərc edilib.

Məqalə tanınmış gürcü siyasətçisi, 2000-2004-cü illərdə TRASECA Hökumətlərarası Komissiyasının birinci katibi vəzifəsində çalışmış Zviad Kvaçantiradzenin “Azərbaycan xalqı çox xoşbəxtdir ki, tarix ona Heydər Əliyev kimi dünyamiqyaslı dahi şəxsiyyət, eləcə də xalqının və dövlətinin qarşısında duran çətinlikləri aradan qaldırmaqla, Azərbaycanı qısa bir zamanda hüquqi, dünyəvi, demokratik inkişaf yoluna çıxarmağa qadir olan dövlət başçısı bəxş edib” fikri ilə başlayıb.

Azərbaycanda fəaliyyəti dövründə xalqımızın dahi şəxsiyyəti ilə bir neçə dəfə görüşdüyünü vurğulayan gürcü siyasətçisi xatırladıb ki, məhz ümummilli lider Heydər Əliyevin təşəbbüsü ilə 7-8 sentyabr 1998-ci il tarixində Bakı şəhərində tarixi İpək Yolunun bərpasına həsr olunmuş beynəlxalq konfrans keçirilib. Həmin konfransın yekununda Avropa İttifaqının TRASECA proqramı əsasında “Avropa-Qafqaz-Asiya dəhlizinin inkişafı üzrə beynəlxalq nəqliyyat haqqında Əsas Çoxtərəfli Saziş” imzalanıb və Bakı Bəyannaməsi qəbul edilib.

Müsahib qeyd edib ki, sazişə əsasən, o, Dövlətlərarası Komissiyanın birinci katibi seçilib, TRASECA Hökumətlərarası Komissiyasının Daimi Katibliyinin Bakı şəhərində yerləşməsi qərara alınıb və 2001-ci il fevralın 21-də katibliyin binasının rəsmi açılışı olub: “Məhz həmin katibliyin açılışında mənim ilk dəfə olaraq Heydər Əliyevlə görüşüm baş tutdu. O, öz çıxışında Avropa İttifaqı tərəfindən TRASECA proqramının həyata keçirilməsi ilə əlaqədar tədbirləri yüksək qiymətləndirdi. Heydər Əliyev çıxışında dedi: “Bizim qonaqlarımız bu binanın gözəlliyi haqqında və indiki vəziyyəti barədə yüksək fikirlər söylədilər. Bu binanın Avropa İttifaqının TRASECA proqramına və tarixi İpək Yolunun bərpası üçün görülən işlərə görə ayrılması təsadüfi deyildir. Bu bina Azərbaycanın, Bakının memarlıq abidələrindən biridir. Vaxtilə, XX əsrin əvvəllərində Azərbaycanın böyük şəxsiyyəti, böyük sahibkarı Hacı Zeynalabdin Tağıyev bu binanı yaradıb və burada da uzun müddət işləyib”.

Z.Kvaçantiradze qeyd edib ki, katibliyin açılışından sonra Heydər Əliyev onunla yarım saat ərzində qarşıda duran vəzifələr və planlar barədə geniş fikir mübadiləsi aparıb: “Artıq onun uzaqgörənliyi ilə əldə olunmuş nəticələr öz bəhrəsini verib. Belə ki, Heydər Əliyevin məqsədyönlü siyasəti nəticəsində bu gün Azərbaycan güclü nəqliyyat və kommunikasiya dəhlizinə malikdir”.

Heydər Əliyevin yüksək şəxsi keyfiyyətlərindən danışarkən gürcü siyasətçi onun diqqətli və həssas münasibətindən bəhs edib. “Çox məzmunlu yumor hissinə malik idi. Tanış və hörmət etdiyi insanlara xüsusi diqqət yetirərdi. Mənimlə bu dahi şəxsiyyət çox səmimiyyətlə görüşərdi. Heydər Əliyev öz təşəbbüsü ilə başladığı irimiqyaslı işlərə xidmət edən insanlara çox yüksək qiymət verərdi. Xoşbəxtəm ki, mən də həmin insanlar sırasındaydım. Bütün tədbirlərdə mənimlə görüşər, heç zaman diqqətdən kənar qoymazdı. Yanına çağırar və mənə ata nəvazişi göstərərdi”, – deyə Kvaçantiradze vurğulayıb.

Onun fikrincə, Heydər Əliyevin Gürcüstanla münasibətlərə xüsusilə böyük diqqət yetirməsi iki ölkə arasında əlaqələrin keyfiyyətcə yeni mərhələyə qədəm qoymasına şərait yaradıb: “Müdrik və uzaqgörən siyasətçi olan Heydər Əliyev Azərbaycan və gürcü xalqlarının tarixi dostluğuna və mehriban münasibətlərinin daha da inkişafına xidmət edən vacib məqamlara həmişə böyük diqqət yetirib. Mən xoşbəxtəm ki, belə şəxsiyyətlə tanış olmuşam”.

Siyasətçi nəzərə çatdırıb ki, ümummilli lider Heydər Əliyevin formalaşdırdığı siyasi irs, ata vəsiyyəti Prezident İlham Əliyev tərəfindən layiqincə, şərəflə və inkişaf etdirilməklə həyata keçirilir: “Mən Azərbaycan xalqına sülh və əmin-amanlıq arzulayıram. İnanıram ki, Prezident İlham Əliyevin rəhbərliyi və uzaqgörən, məqsədyönlü siyasəti nəticəsində Azərbaycan daha böyük uğurlara imza atacaq”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/gurcu-siyasetcisi-heyder-eliyevi-tarixi-ipek-yolunun-berpasinin-banisi-adlandirib-2574

 

 

]]> Toronto Universitetində Xocalı soyqırımına həsr olunmuş anım mərasimi keçirilib https://orduhakimiyet.com/toronto-universitetind%c9%99-xocali-soyqirimina-h%c9%99sr-olunmus-anim-m%c9%99rasimi-kecirilib-h41467.html Wed, 01 Mar 2023 08:27:46 +0000 https://1453kralmedya.com/toronto-universitetind%c9%99-xocali-soyqirimina-h%c9%99sr-olunmus-anim-m%c9%99rasimi-kecirilib-h41467.html

 

 

 

Toronto Universitetində Xocalı soyqırımına həsr olunmuş anım mərasimi keçirilib
, 2023
Toronto Universitetində Xocalı soyqırımına həsr olunmuş anım mərasimi keçirilib
Dünyanın nüfuzlu universitetlərindən biri olan Toronto Universitetində Xocalı soyqırımının 31-ci ildönümü ilə əlaqədar anım tədbiri keçirilib.

Diasporla İş üzrə Dövlət Komitəsinin dəstəyi və “Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan tədbirdə dövlət və parlament rəsmiləri, Türkiyə və Ukraynanın Torontodakı Baş konsulluğunun, Albaniya və Moldovanın fəxri konsulluğunun diplomatları, elm, mədəniyyət xadimləri, vətəndaş cəmiyyətinin, Azərbaycan, türk, tatar, qazax, türkmən, özbək, uyğur, türkmən, Ukrayna, Moldova, Çin, Hindistan və digər icmaların nümayəndələri iştirak ediblər. Qonaqlar arasında Anderson Kollecinin prezidenti Hizer Yanq, Litva-Kanada Konqresinin idarə heyətinin üzvü, Qızılbaş Qlobal İrs Şurasının regional direktoru Arşi Qızılbaş, Azərbaycanın əməkdar incəsənət xadimi İsmayıl Hacıyev, Vaterloo Universitetinin eks-prezidenti, professor Ferudin Hamdullahpur, tarixçi professor İlqar Məmmədov, Təbriz musiqi və rəqs ansamblının üzvləri, Kanada Sufi Mədəniyyət Mərkəzi və Kanada Türk Assosiasiyasının rəhbərləri olub.

Azərbaycan və Kanadanın Dövlət himnlərinin səsləndirilməsi ilə başlayan tədbiri giriş sözü ilə “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova açıb. Bildirib ki, Azərbaycan həqiqətlərinin, xalqımızın haqq səsinin Kanadada eşidilməsi üçün Azərbaycan icmasının yerli ictimaiyyət və müxtəlif icmalarla birgə fəaliyyət göstərməsi böyük əhəmiyyət kəsb edir.

Azərbaycan Respublikası Diasporla İş üzrə Dövlət Komitəsinin şöbə müdiri Səlhət Abbasova çıxışında 1992-ci il fevralın 25-dən 26-na keçən gecə erməni hərbi birləşmələri tərəfindən Xocalının dinc və günahsız əhalisinə qarşı xüsusi amansızlıqla kütləvi qırğın törədildiyini, 613 dinc sakinin qətlə yetirildiyini, 8 ailənin tamamilə məhv edildiyini və 1275 sakinin girov götürüldüyünü xatırladıb. Şanlı Azərbaycan ordusunun beynəlxalq hüquqa uyğun olaraq torpaqlarımızı Ermənistanın işğalından azad etməsi nəticəsində hazırda ölkəmizin Qarabağ iqtisadi rayonunda irimiqyaslı quruculuq işlərinin aparıldığını, erməni işğalından miras qalan minalanmış ərazilərin 30 il evlərinə qayıdışı həsrətlə gözləyən məcburi köçkünlərin bu arzularının həyata keçirilməsinə böyük problemlər yaratdığını diqqətə çatdırıb. Sonra tədbir iştirakçılarını Xocalı soyqırımı qurbanlarının, son müharibələrdə ədaləti bərpa etmək, mülki əhalini qorumaq üçün canlarından keçən qəhrəman hərbçilərin, eləcə də Türkiyə və Suriyada zəlzələ nəticəsində həyatını itirən minlərlə insanın xatirəsini bir dəqiqəlik sükutla anmağa dəvət edib.

Kanadanın keçmiş Vətəndaşlıq və multikulturalizm naziri, ictimai xadim Toni Ruprext ölkə ictimaiyyətinin Xocalı soyqırımına biganə qalmamasının, məhz Kanada kimi demokratik ölkələrin ədalətin bərpa olması naminə səy göstərməsinin önəmini vurğulayıb, Azərbaycan xalqının ağır zamanları geridə buraxdığını, artıq gələcəyə və inkişafa doğru inamla irəlilədiyini əlavə edib.

Türkiyənin Torontodakı Baş konsulu Sinem Minqan “bir millət, iki dövlət” olan ölkələrimizin hər zaman bir-birinə dəstək olduğunu, Xocalı faciəsinin acılarını birgə yaşadıqlarını, xalqımızın haqq səsinin dünya ictimaiyyətinə çatdırılmasında birgə səy göstərilməsinə çalışdıqlarını bildirib.

Tədbirdə çıxış edən Vaterloo Universitetinin eks-prezidenti, professor Ferudin Hamdullahpur, Ontario vilayətinin Turizm, mədəniyyət və idman nazirinin Kanada parlamentində köməkçisi Şeref Sabavi dünyada sülhün vacib olduğunu, bəşəriyyətin inkişafının yalnız sülh və barışdan keçdiyini vurğulayıblar.

Sonra Xocalı soyqırımından bəhs edən sənədli film nümayiş olunub.

Tədbir Xocalı soyqırımına ithaf olunmuş klassik müsiqi gecəsi ilə davam edib. Kanadada yaşayan sənətçilər – Azərbaycanın əməkdar artisti, Prezident təqaüdçüsü Həsən Enami (tenor), skripka ifaçısı Rüfət Əmirəlıyev, piano ifaçısı, beynəlxalq müsabiqələr laureatı Nərminə Əfəndiyeva, violonçel ifaçısı Zaida Nassirov və trumpet (truba) ifaçısı Mark Krutik Azərbaycan və Qərb bəstəkarlarının əsərlərini təqdim ediblər.

Tədbir çərçivəsində universitetin “Hart House, Great Hall” salonunda Xocalı soyqırımını və Azərbaycanın işğaldan azad edilmiş rayonlarında erməni vandalizmini əks etdirən fotosərgi təşkil edilib. Tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri paylanıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/toronto-universitetinde-xocali-soyqirimina-hesr-olunmus-anim-merasimi-kecirilib-2486

 

 

]]> İsraildə Xocalı soyqırımı ilə bağlı anım tədbiri təşkil edilib https://orduhakimiyet.com/israild%c9%99-xocali-soyqirimi-il%c9%99-bagli-anim-t%c9%99dbiri-t%c9%99skil-edilib-h41456.html Wed, 01 Mar 2023 04:18:04 +0000 https://1453kralmedya.com/israild%c9%99-xocali-soyqirimi-il%c9%99-bagli-anim-t%c9%99dbiri-t%c9%99skil-edilib-h41456.html

 

 

 

İsraildə Xocalı soyqırımı ilə bağlı anım tədbiri təşkil edilib
, 2023
İsraildə Xocalı soyqırımı ilə bağlı anım tədbiri təşkil edilib

İsrailin şimalında yerləşən “İsrael” kibutsasında Xocalı soyqırımının 31-cü ildönümü ilə əlaqədar anım tədbiri keçirilib.

Azərbaycan Respublikası Diasporla İş üzrə Dövlət Komitəsinin dəstəyi ilə baş tutan tədbiri “Azİz” İsrail-Azərbaycan Beynəlxalq Assosiasiyasının idarə heyətinin üzvü Yeganə Salman açıb. O, 1992-ci il fevralın 25-dən 26-na keçən gecə erməni silahlı birləşmələri tərəfindən Xocalıda dinc və günahsız azərbaycanlılara qarşı xüsusi amansızlıqla törədilmiş kütləvi qırğın barədə ətraflı məlumat verib. “Bu faciənin və erməni separatçılarının bütün cinayətkar əməllərinin bir məqsədi var idi – Azərbaycan ərazilərini qəddarlıq və güc tətbiq etməklə istənilən yolla işğal etmək”, – deyə Y.Salman vurğulayıb.

Diasporla İş üzrə Dövlət Komitəsinin dəstəyi ilə “Azərbaycan tarixi” seriyası çərçivəsində hazırlanmış “Xocalıda soyqırımı” sənədli filminin nümayişindən sonra faciə qurbanlarının xatirəsi bir dəqiqəlik sükutla yad edilib.

Tədbirdə çıxış edən Maalot-Tarşixa şəhərinin meri Arkadi Pomerants çoxəsrlik tolerantlıq ənənələri ilə həmişə şöhrət qazanmış çoxmillətli Azərbaycanda doğulub boya-başa çatdığını, Azərbaycandakı ənənələr və prinsiplər əsasında tərbiyə aldığını bildirib. Hazırda yəhudilərin, ərəblərin və digər millətlərin nümayəndələrinin yaşadığı bir şəhərin meri olduğunu söyləyən Arkadi Pomerants öz fəaliyyətində həmin təcrübədən də istifadə etdiyini söyləyib.

Tədbirin bədii hissəsində Azərbaycandan gələn pianoçu, beynəlxalq müsabiqələr laureatı Nərmin Rzayeva çıxış edib. O, Azərbaycan və Avropa bəstəkarları Lüdviq van Bethoven, Frederik Şopen, Vaqif Mustafazadə və Faiq Sücəddinovun əsərlərini təqdim edib. “İsrael” kibutsası nəzdindəki konservatoriyanın saksafonçular qrupu isə bəstəkar Povolotskinin İsrailin müstəqilliyi uğrunda canlarından keçmiş hərbçilərə ithaf etdiyi “Qəhrəmanlıq balladası”nı və Azərbaycan xalq mahnılarını ifa ediblər.

Tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri paylanıb.

Tədbirin sonunda “Azİz” İsrail-Azərbaycan Beynəlxalq Assosiasiyasının prezidenti Lev Spivak yaddaqalan gecənin təşkilində göstərdiyi köməyə görə kibutsanın rəhbərliyinə təşəkkür edib, tədbirin aparıcısı, kibutsa nəzdindəki konservatoriyanın direktoru Stas Qavrilova Nizami Gəncəvinin əsərlərinin ivrit dilində çap olunmuş illüstrasiyalı üçcildliyini hədiyyə edib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israilde-xocali-soyqirimi-ile-bagli-anim-tedbiri-teskil-edilib-2483

 

 

]]> Ukrayna Azərbaycanlıları Radasının hesabat-seçki konfransı keçirilib https://orduhakimiyet.com/ukrayna-az%c9%99rbaycanlilari-radasinin-hesabat-secki-konfransi-kecirilib-h40909.html Thu, 16 Feb 2023 06:04:53 +0000 https://1453kralmedya.com/ukrayna-az%c9%99rbaycanlilari-radasinin-hesabat-secki-konfransi-kecirilib-h40909.html

 

 

 

 

Ukrayna Azərbaycanlıları Radasının hesabat-seçki konfransı keçirilib
, 2023
Ukrayna Azərbaycanlıları Radasının hesabat-seçki konfransı keçirilib
Ukrayna Azərbaycanlıları Radasının onlayn formatda növbəti hesabat-seçki konfransı keçirilib.

Konfransa qonaq qismində Azərbaycan Respublikası Diasporla iş üzrə Dövlət Komitəsinin sədri Fuad Muradov və qurumun digər məsul şəxsləri qatılıb.

Hesabat seçki konfransında Ukrayna Azərbaycanlıları Radasının icraçı direktoru Ceyhun Məmmədovun ötən dövr ərzində görülən işlərlə bağlı hesabatı dinlənilib.

Daha sonra Ukrayna Azərbaycanlıları Radasının idarə heyətinin müxtəlif regionlarda fəaliyyət göstərən nümayəndələri Rusiya-Ukrayna hərbi münaqişəsi fonunda Azərbaycan diasporunun fəaliyyəti barədə məlumat verib

Konfransda səlahiyyət müddəti bitən icraçı direktor və aparat rəhbəri vəzifələrinə yeni seçkilər kecirilib.

Ukrayna Azərbaycanlıları Birləşmiş Diasporunun sədr müavini, Ukrayna Kikboksinq Federasiyasının vitse-prezidenti Elşad İbrahimov Ukrayna Azərbaycanlıları Radasının yeni icraçı direktoru, Sərxan Vidadiyev isə Radanın Aparat rəhbəri vəzifəsinə seçilib.

Daha sonra cari məsələlər müzakirə olunub.

Diaspor fəallarının müharibə şəraitində olan Ukraynanın ictimai-siyasi həyatında fəal olmaları tövsiyə olunub.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/ukrayna-azerbaycanlilari-radasinin-onlayn-formatda-novbeti-hesabat-secki-konfransi-kecirilib-2386

 

 

]]> Komitə sədri tanınmış diaspor fəalını 70 illik yubileyi münasibətilə təbrik edib https://orduhakimiyet.com/komit%c9%99-s%c9%99dri-taninmis-diaspor-f%c9%99alini-70-illik-yubileyi-munasib%c9%99til%c9%99-t%c9%99brik-edib-h39830.html Thu, 19 Jan 2023 08:14:54 +0000 https://1453kralmedya.com/komit%c9%99-s%c9%99dri-taninmis-diaspor-f%c9%99alini-70-illik-yubileyi-munasib%c9%99til%c9%99-t%c9%99brik-edib-h39830.html

 

 

 

Komitə sədri tanınmış diaspor fəalını 70 illik yubileyi münasibətilə təbrik edib

2023

Komitə sədri tanınmış diaspor fəalını 70 illik yubileyi münasibətilə təbrik edib

Tanınmış diaspor fəalı, “Azİz” İsrail-Azərbaycan Beynəlxalq Assosiasiyasının İdarə Heyətinin üzvü, Azərbaycan Mədəniyyət Mərkəzinin direktoru Yeganə Salmanın 70 yaşı tamam olur.

Azərbaycan Respublikası Diasporla İş üzrə Dövlət Komitəsinin sədri Fuad Muradov bu münasibətlə Yeganə xanımı təbrik edib, ona möhkəm can sağlığı və müvəffəqiyyətlər arzu edib.

Qeyd edək ki, Yeganə Salman 1953-cü ildə Bakı şəhərində anadan olub. İlk ali təhsilini də 1974-1979-cu illərdə M.F.Axundov adına Azərbaycan Pedaqoji Xarici Dillər İnstitutunda (indiki Azərbaycan Dillər Universiteti) alıb. 1979-1985-ci illərdə AMEA-nın Fizika İnstitutunda, 1981-1989-cu illərdə AMEA-nın “Kaspi” Elmi-Tədqiqat İnstitutunda, 1985-1989-cu illərdə Azərbaycan İnşaat və Memarlıq Universitetində (indiki Azərbaycan Texniki Universiteti) tərcüməçi vəzifəsində çalışan Yeganə Salman 1991-ci ildə ailəsi ilə birlikdə İsrailə köçüb. 1993-cü ildən İsrailin Afula şəhərində Azərbaycandan gələn həmvətənlərimizin təşkilatlanmasında iştirak edən Yeganə Salman 2006-cı ildə İsrailin Tel-Əviv şəhərində Azərbaycandan köçmüş miqrantların İsrail üzrə ilk iclasının keçirilməsinə kömək göstərib. O, 2007-ci ildən “Azİz” İsrail-Azərbaycan Beynəlxalq Assosiasiyasının İdarə Heyətinin üzvü və təşkilatın nəzdində fəaliyyət göstərən Azərbaycan Mədəniyyət Mərkəzinin direktoru vəzifəsində ictimai fəaliyyətini davam etdirir.

Yeganə Salman 1 iyun 2016-cı ildə xalqlar arasında dostluğun möhkəmləndirilməsi və Azərbaycan diasporunun inkişafı sahəsindəki xidmətlərinə görə Azərbaycan Respublikasının Prezidenti cənab İlham Əliyev tərəfindən “Tərəqqi” medalı ilə təltif edilib. Eyni zamanda Azərbaycan diasporunun fəaliyyətinə verdiyi mühüm töhfəyə görə “Diaspor fəaliyyətində xidmətə görə” medalı ilə təltif olunub.

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:http://diaspor.gov.az/az/news-detail/komite-sedri-taninmis-diaspor-fealini-70-illik-yubileyi-munasibetile-tebrik-edib-2188

 

]]>