Azərbaycan İncəsənət və Mədəniyyət Mərkəzi – Ordu Hakimiyet

Torontodakı icmamız Ermənistanın ekoloji təxribatı ilə bağlı kanadalı parlamentarlara müraciət edib

Abdullah Yiğit — Mon, 26 Jun 2023 07:49:18 +0000

Torontodakı icmamız Ermənistanın ekoloji təxribatı ilə bağlı kanadalı parlamentarlara müraciət edib
2023

Torontodakı icmamız Ermənistanın ekoloji təxribatı ilə bağlı kanadalı parlamentarlara müraciət edib
Kanadanın Toronto şəhərində yaşayan Azərbaycan icması ölkəmizlə sərhəddə Ermənistanın ekoloji durumun gərginləşdirilməsi istiqamətində atdığı növbəti yolverilməz addımla bağlı yerli və beynəlxalq ictimaiyyətə müraciət edib.

“Vətən” Azərbaycan İncəsənət və Mədəniyyət Mərkəzi adından Kanada parlamentinin üzvlərinə və “Greenpeace” beynəlxalq ekoloji təşkilatına ünvanlanan bəyanatda bildirilib ki, Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsi Azərbaycan əsilli kanadalılarda dərin narahatlıq hissi doğurub.

Belə zavodun inşası Ermənistan tərəfindən beynəlxalq hüquq norma və prinsiplərinin, xüsusilə də BMT-nin Avropa İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Konvensiyasının (Espo Konvensiyası) müddəlarının kobud surətdə pozulması kimi dəyərləndirilib. Nəzərə çatdırılıb ki, həmin müddəalara əsasən, Ermənistan öz ərazisində planlaşdırdığı bu fəaliyyəti Azərbaycanın müvafiq qurumları ilə razılaşdırmalıdır.

Ermənistanın mütəmadi olaraq beynəlxalq və ekoloji hüquq normalarını pozduğuna diqqət cəlb edilib. Qeyd edilib ki, bir müddət əvvəl Azərbaycan tərəfi Metsamor Atom Elektrik Stansiyasının ərazisində yeni nüvə reaktorunun tikintisi planları ilə əlaqədar Espo Konvensiyası çərçivəsində Ermənistana qarşı haqlı iddia ilə çıxış edib və bu, qonşu ölkənin Konvensiyanın müddəalarına əməl etmədiyi barədə qərar çıxarılması ilə nəticələnib. Bundan başqa, Ermənistanın iri mədən müəssisələri – Qacaran mis-molibden zavodu və Qafan filiz emalı kombinatının yüksək kimyəvi tərkibli istehsalat suları uzun müddət transsərhəd Oxçuçayı intensiv şəkildə çirkləndirməklə Azərbaycanın ekoloji mühitinə ciddi mənfi təsir göstərməkdədir.

Ermənistanın ekoloji təxribatını sərt şəkildə pisləyən “Vətən” Azərbaycan İncəsənət və Mədəniyyət Mərkəzi kanadalı parlamentarları və “Greenpeace” təşkilatını öz qanunsuz əməlləri ilə Azərbaycanın və regionun ekoloji mühiti üçün təhlükə törətməklə məşğul olan Ermənistana güclü təzyiq göstərməyə çağırıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/torontodaki-icmamiz-ermenistanin-ekoloji-texribati-ile-bagli-kanadali-parlamentarlara-muraciet-edib-3164

Kanada parlamentində “Azərbaycan İrsi Günü” keçirilib

Abdullah Yiğit — Fri, 23 Jun 2023 19:57:22 +0000

Kanada parlamentində “Azərbaycan İrsi Günü” keçirilib
, 2023

Kanada parlamentində “Azərbaycan İrsi Günü” keçirilib

Paytaxt Ottavada yerləşən Kanada parlamentində “Azərbaycan İrsi Günü” keçirilib. Toronto Azərbaycan Evi, “Vətən” Azərbaycan İncəsənət və Mədəniyyət Mərkəzi, “Azəri Kalqari Ulduzları” rəqs qrupu, Ottavadakı “Qarabağ” Azərbaycan dili məktəbi, Kvebek Azərbaycanlıları Assosiasiyası, Kanadada Azərbaycanlı Tələbələr Təşkilatı, icma fəalları Nigar Əliyeva və Emin Qaranın birgə təşkilatçılığı ilə baş tutan tədbirdə Kanada parlamentinin üzvləri, diplomatik korpusun, Azərbaycan icmasının və ölkəmizə dost münasibəti bəsləyən digər xalqların nümayəndələri iştirak ediblər.

Tədbir iştirakçılarını salamlayan “Vətən” Azərbaycan İncəsənət və Mədəniyyət Mərkəzinin rəhbəri və Torontodakı Azərbaycan Evinin icraçı direktoru Lalin Həsənova diasporumuzun tarixində baş verən bu mədəni hadisədə iştirak edən qonaqlara minnətdarlığını bildirib. Rəhbəri olduğu hər iki təşkilatın Azərbaycan-Kanada cəmiyyətlərinə dəstək olmağı hədəflədiyinə diqqəti cəlb edib.

Ardınca tanınmış tenor, Azərbaycanın xalq artisti, Prezident mükafatçısı Həsən Enaminin ifasında Azərbaycan və Kanadanın Dövlət himnləri səsləndirilib.

Tədbirin ərsəyə gəlməsində xüsusi rola malik olan Kanada parlamentinin deputatı Çandra Arya soydaşlarımızı bu əhəmiyyətli gün münasibətilə təbrik edib. Azərbaycan icması ilə ölkə parlamenti arasında sıx əməkdaşlıq əlaqələrindən danışan millət vəkili nəzərə çatdırıb ki, bu il Kanada parlamentində ilk dəfə Müstəqillik Günü münasibətilə Azərbaycanın bayraqqaldırma mərasimi keçirilib.

Tədbirdə çıxış edən Azərbaycanın Kanadadakı müvəqqəti işlər vəkili Vasif Abutalıbov, Estoniyanın Kanadadakı səfiri Marqus Rava, Latviyanın Kanadadakı səfiri İnqa Skruzmane və başqaları icmamızın bu ölkənin ictimai-siyasi və mədəni həyatına sıx inteqrasiyasını, mədəni müxtəlifliyə, Azərbaycan-Kanada münasibətlərinin inkişafına töhfələr verməsini yüksək qiymətləndiriblər.

Tədbirdə Kanadanın Baş naziri Castin Trüdonun “Azərbaycan İrsi Günü” tədbirinin iştirakçılarına ünvanlanan təbrik müraciəti oxunub. Azərbaycan və Kanada arasında ikitərəfli münasibətlərin qurulmasının 30 illik tarixə malik olduğunu, Azərbaycan icmasının miqrantlar ölkəsi olan Kanadanın yaşamaq üçün möhtəşəm məkana çevrilməsi naminə töhfələr verdiyini vurğulayan Baş nazir icmamızı belə bir gündə Kanada parlamentində salamlamaqdan şərəf hissi duyduğunu bildirib.

Sonra Azərbaycanın qədim tarixini, zəngin və bənzərsiz mədəniyyətini, mənzərəli bölgələrini və etnik fərqliliklərini əks etdirən müxtəlif qısa videoçarxlar nümayiş etdirilib. İpək Yolunun üzərində yerləşən ölkəmizin çoğrafi mövqeyi, Qərb və Şərq arasında körpü rolu oynadığı diqqətə çatdırılıb. Müsəlman Şərqində lk dünyəvi, demokratik respublikanın – Azərbaycan Xalq Cümhuriyyətinin 1918-ci il 28 may tarixində yaradıldığından, ölkəmizin multikultural və tolerantlıq dəyərlərinə malik olmasından bəhs edilib. Azərbaycan muğamının 2008-ci ildə UNESSO-nun Qeyri-maddi Mədəni İrsinin Reprezentativ Siyahısına daxil edildiyi xüsusi olaraq vurğulanıb.

Tədbirin bədii hissəsində Kanadada peşəkar musiqi fəaliyyəti göstərən soydaşlarımız Həsən Enami, Əliheydər Mirzəbəyov və Səməd Pourmusəvinin ifalarında Azərbaycan xalq və bəstəkar mahnıları, “Azəri Kalqari Ulduzları” rəqs qrupunun ifasında “Şuşanın Dağları”, “Ağ çiçək”, “Qaval”, “Günəşin doğuşu”, “Cəngi”, “Qara qız”, “Qarabağ yallısı”, “Neft Daşları” “Şux Trio”, “Tərəkəmə”, “Qaytağı” və Naxçıvan rəqsləri təqdim olunub. Rəqs nömrələri Bakı Xoreoqrafiya Akademiyasının məzunu, Qəmər Almaszadə adına klassik və milli rəqs üzrə II beynəlxalq müsabiqənin laureatı, “Türksoy özəl ödülü”nün mükafatçısı Lalə Aslanova və Azərbaycanın əməkdar artisti Elçin Qədimov tərəfindən hazırlanıb.

Konsert proqramı qonaqların gur alqışları ilə qarşılanıb. Tədbir milli təamlarımızdan ibarət rəsmi ziyafətin verilməsi ilə başa çatıb.

Tədbir çərçivəsində Azərbaycanın zəngin mədəni irsini əks etdirən sərgi təşkil edilib.

Qeyd edək ki, Toronto Azərbaycan Evi 3 aprel 2023-cü ildən fəaliyyətə başlayıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanada-parlamentinde-azerbaycan-irsi-gunu-kecirilib-3142

Toronto şəhərindəki icmamız Türkiyəyə yardım göndərib

Abdullah Yiğit — Wed, 15 Feb 2023 23:05:09 +0000

Toronto şəhərindəki icmamız Türkiyəyə yardım göndərib
, 2023
Toronto şəhərindəki icmamız Türkiyəyə yardım göndərib

Kanadanın Toronto şəhərində fəaliyyət göstərən “Vətən” Azərbaycan İncəsənət və Mədəniyyət Mərkəzinin fəalları Türkiyədəki dağıdıcı zəlzələ ilə əlaqədar qardaş ölkəyə humanitar yardım göndərib.

Mərkəzdə yaradılmış operativ qərargahda zəlzələdən zərərçəkmişlər üçün humanitar yardım (qış geyimləri, tibbi ləvazimat və gigiyenik vasitələr) toplanıb.

Soydaşlarımızın köməyi ilə toplanan yardım Türkiyənin Torontodakı Baş konsulluğunun koordinasiyası ilə açılan yardım mərkəzinə təhvil verilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/toronto-seherindeki-icmamiz-turkiyeye-yardim-gonderib-2384