ноҳияи Зафаробод – Ordu Hakimiyet https://orduhakimiyet.com Sun, 02 Apr 2023 10:55:13 +0000 tr hourly 1 https://orduhakimiyet.com/wp-content/uploads/2025/03/cropped-ordu-hakimiyet-32x32.webp ноҳияи Зафаробод – Ordu Hakimiyet https://orduhakimiyet.com 32 32 Ифтитоҳи муассисаи таҳсилоти миёнаи умумии №3-и ноҳияи Зафаробод https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d1%83%d0%b0%d1%81%d1%81%d0%b8%d1%81%d0%b0%d0%b8-%d1%82%d0%b0%d2%b3%d1%81%d0%b8%d0%bb%d0%be%d1%82%d0%b8-%d0%bc%d0%b8%d1%91%d0%bd%d0%b0%d0%b8-h42732.html Sun, 02 Apr 2023 10:55:13 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d1%83%d0%b0%d1%81%d1%81%d0%b8%d1%81%d0%b0%d0%b8-%d1%82%d0%b0%d2%b3%d1%81%d0%b8%d0%bb%d0%be%d1%82%d0%b8-%d0%bc%d0%b8%d1%91%d0%bd%d0%b0%d0%b8-h42732.html

 

 

 

Ифтитоҳи муассисаи таҳсилоти миёнаи умумии №3-и ноҳияи Зафаробод

.2023 , ноҳияи Зафаробод

­­Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд дар деҳаи Зарафшони деҳоти Ҷомии ноҳияи Зафаробод бинои муассисаи таҳсилоти миёнаи умумии №3-и ба номи Лоиқ Шералиро мавриди истифода қарор доданд.

Бинои лоиҳавӣ ва дигар иншооти муассисаи таҳсилоти миёнаи умумии рақами 3 дар масоҳати 1,5 гектар бо маблағгузории Мақомоти иҷроияи ҳокимияти давлатии вилояти Суғд, фармоиши Идораи сохтмони асосии вилоят бунёд гардида, корҳои сохтмонӣ аз ҷониби коргарону мутахассисони ҷамъиятҳои дорои масъулияти муҳдуди “Сохтмони Зафаробод”, “Оламафрӯз 2016”, “Эъҷози ҳунар”, “Сирус” ва “Манзили озод” ба анҷом расонида шудааст.

Ба Пешвои миллат муҳтарам Эмомалӣ Раҳмон иттилоъ дода шуд, ки бинои муассиса аз 2 ошёна, 14 синфхона, 4 озмоишгоҳ, ошхона, толори варзишӣ ва маҷлисгоҳ бо 250 ҷойи нишаст иборат мебошад. Ҳамаи синфхонаҳои фаннӣ ва озмоишгоҳҳо бо лавозимоту таҷҳизоти замонавӣ муҷаҳҳаз буда, барои дар сатҳи баланд гузаронидани дарсу машғулиятҳо шароити мусоид фароҳам оварда шудааст.

 

 

 

 

 

Бинои ин муассисаи таълимӣ дар доираи сиёсати маорифпарваронаи Сарвари давлат муҳтарам Эмомалӣ Раҳмон бо тарҳи муосиру замонавӣ бунёд гардида, дар он дар ду баст 1000 нафар хонанда ба таълиму тарбия фаро гирифта мешаванд.

Дар муассиса 30 нафар омӯзгор ба таълиму тарбияи фарзандон машғуланд.

Дар бинои нави муассиса кабинетҳои фаннӣ баҳри дар сатҳи меъёрӣ гузаронидани дарсҳо омода карда шудаанд. Аз ҷумла, кабинети фанни дифои ҳарбӣ тибқи ойиннома бо таҷҳизоту аёниятҳо муҷаҳҳаз буда, барои баланд бардоштани ҳисси ватандӯстии хонандагон мусоидат мекунад.

Бо мақсади ҷалби бештари ҷавонону наврасон ба варзишу тарбияи ҷисмонӣ дар муассисаи нав толори замонавии варзишӣ бунёд шудааст. Хонандагон бо истифода аз ин шароитҳои муосир бо намудҳои гуногуни варзиш, аз ҷумла волейболу баскетбол, футзал, тенниси рӯйи миз ва ғайра машғул мешаванд.

Президенти мамлакат муҳтарам Эмомалӣ Раҳмон бо синфхонаву кабинетҳои фаннӣ ва ҳаммаи шароитҳои фароҳамовардашуда шинос шуда, бо омӯзгорону хонандагони муассиса суҳбати озоду самимӣ намуданд.

Сарвари давлат хонандагонро ҳидоят намуданд, ки аз шароити мусоиди фароҳамгардида самаранок истифода бурда, дониши хуб омӯзанд ва оянда барои пешрафти ҷомеа хизмати шоиста кунанд ва номбардори Ватан бошанд.

Дар саҳни муассиса як майдончаи замонавии варзишӣ барои ҷалби хонандагону сокинони деҳа ба футбол бо тарҳи замонавӣ бунёд гардидааст.

Дар гирду атрофи муассиса дарахтони мевадиҳандаю ороишӣ ва гулҳои рангоранг шинонида шудааст, ки ба намои бино ҳусни хоса зам мекунад.

facebooktwitter

kaynak:http://www.president.tj/node/30383?utm_source=dlvr.it&utm_medium=twitter

 

 

]]> Ифтитоҳи коргоҳи дузандагӣ ва қолинбофӣ дар ноҳияи Зафаробод https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%b4%d1%83%d0%b7%d0%b0%d0%bd%d0%b4%d0%b0%d0%b3%d3%a3-%d0%b2%d0%b0-%d2%9b%d0%be%d0%bb%d0%b8%d0%bd%d0%b1-h42724.html Sun, 02 Apr 2023 06:24:32 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%b4%d1%83%d0%b7%d0%b0%d0%bd%d0%b4%d0%b0%d0%b3%d3%a3-%d0%b2%d0%b0-%d2%9b%d0%be%d0%bb%d0%b8%d0%bd%d0%b1-h42724.html

 

 

 

 

Ифтитоҳи коргоҳи дузандагӣ ва қолинбофӣ дар ноҳияи Зафаробод

2023 , ноҳияи Зафаробод

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар деҳаи Зарафшони деҳоти Абдураҳмони Ҷомии ноҳияи Зафаробод Коргоҳи дӯзандагӣ ва қолинбофии дастӣ аз абрешим «Шарифамоҳ»-ро мавриди истифода қарор доданд.

Коргоҳи навбунёд дар маркази деҳа ҷой гирифта, аз ҷониби соҳибкори ватанӣ Зафар Авулов таъсис дода шудааст.

Ба Сарвари давлат мӯҳтарам Эмомалӣ Раҳмон иттилоъ доданд, ки коргоҳ бо таҷҳизоту дастгоҳи дӯзандагӣ ва қолинбофии муосир муҷаҳҳаз карда шуда, барои 20 нафар занону духтарони маҳаллӣ ҷойҳои нави корӣ фароҳам оварда шуд.

Коргоҳи дӯзандагии «Шарифамоҳ» асосан барои дӯхтани либосҳои мактабӣ, пешбинӣ гардида дар асоси дархости мизоҷон либосҳои занона, мардона, варзишӣ, ҳарбӣ ва ғайраро омода месозад.

Ҳамчунин, дар заминаи таваҷҷӯҳ ба рушди ҳунарҳои суннатии мардумӣ, тибқи қарори Ҳукумати Ҷумҳурии Тоҷикистон «Дар бораи рушди қолинбофии дастӣ ва дигар ҳунарҳои мардумӣ» дар коргоҳ бо таъмин гардидани дастгоҳҳои қолинбофии дастӣ ин ҳунари суннатӣ ривоҷ дода мешавад. Занону духтарони ҳунарманд тавассути дастгоҳҳо бо усули анъанавӣ қолинҳои абрешимӣ истеҳсол менамоянд. Ин намуди қолинбофӣ дар байни ҳунармандони халқӣ маъмул буда, солҳои охир рушд меёбад.

Иттилоъ дода шуд, ки як самти фаъолияти маркази ҳунармандӣ ба омӯзиши ҳунари қолинбофии дастӣ фаро гирифтани занону духтарони деҳа мебошад. Маҳз бо таъсиси ҳамин коргоҳ дар деҳа шумораи ҳунармандони халқӣ, аз ҷумла қолинбофӣ аз байни занону духтарони маҳаллӣ зиёд мегардад.

 

 

 

 

 

Таъсиси коргоҳи қолинбофӣ ба рушди ин ҳунари анъанавӣ ва бахусус бо ҷои корӣ таъмин намудани занону духтарони деҳа ва соҳиби даромад шудани онҳо замина фароҳам месозад. Таъсиси ҳамингуна коргоҳҳо баҳри рушди ҳунарҳои мардумӣ мусоидат мекунад. Асоси қолинҳои дастиро нах ва риштаи абрешимӣ ташкил медиҳад. Дар истеҳсоли қолин истифода шудани риштаи абрешимӣ бо нақшу нигори зебои миллӣ асоси сифати қолини дастибоф ва серхаридор гардидани маҳсулот дар бозори беруна аст.

Дар замони соҳибистиқлолӣ дар кишвар ба масъалаи эҳёи анъанаҳои миллӣ, аз ҷумла ҳунарҳои мардумӣ таваҷҷӯҳи бештар зоҳир гардидааст.

Бо дастгирӣ ва ғамхории Ҳукумати мамлакат марказҳои ҳунармандӣ, аз ҷумла атласу адрасбофӣ ва қолинбофӣ ташкил гардида, дар самти соҳибкасб шудани занону духтарони бешуғл шароит фароҳам оварда мешавад.

Пешвои миллат муҳтарам Эмомалӣ Раҳмон ба чунин иқдому ташаббуси созандаи соҳибкор дар самти рушди саноат ва ҳунари дар деҳот баҳои баланд дода, фаъолияти ин коргоҳро омили муҳими таъмини занону духтарон бо ҷойи корӣ ва даромаднокӣ аз ин ҳисоб арзёбӣ намуданд.

facebooktwitter

kaynak:http://www.president.tj/node/30384?utm_source=dlvr.it&utm_medium=twitter

 

 

 

]]> Ифтитоҳи Маркази саломатии деҳаи Зарафшони деҳоти Ҷомии ноҳияи Зафаробод баъди таъмиру азнавсозӣ https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%81%d0%b0%d0%bb%d0%be%d0%bc%d0%b0%d1%82%d0%b8%d0%b8-%d0%b4%d0%b5%d2%b3%d0%b0%d0%b8-%d0%b7%d0%b0%d1%80-h42708.html Sat, 01 Apr 2023 18:23:54 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%81%d0%b0%d0%bb%d0%be%d0%bc%d0%b0%d1%82%d0%b8%d0%b8-%d0%b4%d0%b5%d2%b3%d0%b0%d0%b8-%d0%b7%d0%b0%d1%80-h42708.html

 

 

 

 

 

 

Ифтитоҳи Маркази саломатии деҳаи Зарафшони деҳоти Ҷомии ноҳияи Зафаробод баъди таъмиру азнавсозӣ
31.03.2023 , ноҳияи Зафаробод

Дар ҷараёни боздид аз шаҳру ноҳияҳои вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Зарафшони деҳоти Ҷомии ноҳияи Зафаробод Маркази саломатиро мавриди истифода қарор доданд.

Корҳои сохтмонӣ ва таъмиру азнавсозӣ дар ин иншооти соҳаи тандурустӣ моҳи октябри соли 2022 оғоз гардида буд. Пудратчии иншоот Ҷамъияти дорои масъулияташ маҳдуди “СМУ-1” мебошад.

Бинои Маркази саломатии деҳаи Зарафшони деҳоти Ҷомӣ якошёна буда, аз 3 толор, 9 ҳуҷра, аз ҷумла ҳуҷраҳои табибони оилавӣ, муоинаи бемориҳои занона, доругузаронӣ, эмгузаронӣ, таҳлилгоҳу озмоишгоҳ, хатнаи кӯдакон, ташхиси ултрасадо, таваллуд ва баъди таваллуд иборат мебошад.

 

 

 

 

Баъди таъмиру азнавсозӣ имконият ва шароити ташхису табобат дар Маркази саломатии деҳаи Зарафшон бо ворид намудан ва муҷаҳҳаз гардонидани таҷҳизотҳои муосири тиббӣ, ашё, дигар ҷиҳози зарурӣ мувофиқ ба талаботи замон, хубтару беҳтар ба роҳ монда шудааст.

Ба туфайли фаъолияти Маркази саломатии деҳаи Зарафшон 9 нафар, аз ҷумла 1 табиб, 6 корманди миёнаи тиб, 1 корманди хурди тиб ва хоҷагидор бо ҷойи кори доимӣ ва маоши хуб таъмин ҳастанд.

Аксари мутахассисони соҳа, ки дар ин Маркази саломатӣ фаъолият мекунанд, сокинони ҳамин деҳот мебошанд.

Сарвари давлат муҳтарам Эмомалӣ Раҳмон зимни суҳбат ба мутахассисони Маркази саломатии деҳаи Зарафшон ва ҳам масъулони соҳаи тандурустии вилояту ноҳия дастур доданд, ки дар фаъолияти касбӣ ба сокинон содиқона хизмат намоянд.

Аз усулҳои муосиру маъмули ташхису табобати беморон истифода намуда, хизматрасонии тиббиро дар сатҳи зарурӣ ба роҳ монанд.

Қобили тазаккур аст, ки баъди таъмиру азнавсозӣ намуди зоҳирӣ, дохили бино, ҳуҷраҳои ташхису табобат ва дигар намуди хизматрасониҳои тиббии Маркази саломатии деҳаи Зарафшон куллан дигаргун, барҳавою зебо, атрофи он кабудизору гулзор ва дилкашу гуворо гардидааст.

facebooktwitter

kaynak:http://www.president.tj/node/30381?utm_source=dlvr.it&utm_medium=twitter

 

 

]]> Оғози фаъолияти хоҷагии моҳипарварӣ дар ноҳияи Зафаробод https://orduhakimiyet.com/%d0%be%d2%93%d0%be%d0%b7%d0%b8-%d1%84%d0%b0%d1%8a%d0%be%d0%bb%d0%b8%d1%8f%d1%82%d0%b8-%d1%85%d0%be%d2%b7%d0%b0%d0%b3%d0%b8%d0%b8-%d0%bc%d0%be%d2%b3%d0%b8%d0%bf%d0%b0%d1%80%d0%b2%d0%b0%d1%80%d3%a3-h42706.html Sat, 01 Apr 2023 17:08:15 +0000 https://1453kralmedya.com/%d0%be%d2%93%d0%be%d0%b7%d0%b8-%d1%84%d0%b0%d1%8a%d0%be%d0%bb%d0%b8%d1%8f%d1%82%d0%b8-%d1%85%d0%be%d2%b7%d0%b0%d0%b3%d0%b8%d0%b8-%d0%bc%d0%be%d2%b3%d0%b8%d0%bf%d0%b0%d1%80%d0%b2%d0%b0%d1%80%d3%a3-h42706.html

 

 

 

Оғози фаъолияти хоҷагии моҳипарварӣ дар ноҳияи Зафаробод

.2023 , ноҳияи Зафаробод

31 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Зафаробод бо пахши тугмаи рамзӣ ба фаъолияти хоҷагии моҳипарварӣ ифтитоҳи расмӣ бахшиданд.

Ба ҳавзҳои моҳипарварӣ аввалин моҳичаҳо партофта шуданд.

Хоҷагиҳои кооперативҳои тиҷоратии “Саховати Куруш” ва “Мир Темур” бо истифода аз мавзеи мутобиқ дар соҳили дарёи Сир ба таъсиси ҳавзҳои моҳипарварӣ иқдом намуданд.

 

 

 

 

 

Тибқи лоиҳа таҷҳизоти ҳавзҳо истеҳсоли Ҷумҳурии Мардумии Чин буда, бо усули шинокунанда сохта шудаанд, яъне бо пасту баланд шудани сатҳи об ин ҳавзҳо барои ҳаёти физиологии моҳӣ мусоидат мекунанд.

Шумораи ҳавзҳои моҳипарварӣ 10 адад буда, ба андозаи ҳар яке 5 метр ба 2,5 метр дар канали обрасонии “Фарҳод” насб карда шудаанд.

Дар марҳилаи аввал дар ин ҳавзҳо 20 ҳазор моҳӣ парвариш меёбад ва тибқи нақшаи тиҷоратии соҳибкорон минбаъд навъу намуд ва миқдори моҳӣ зиёд карда мешавад.

Ин нахустин хоҷагии моҳипарварӣ дар ноҳияи Зафаробод буда, Сарвари давлат ба хоҷагидорону соҳибкорон дастуру маслиҳат доданд, ки бо истифода аз шароити мусоиди соҳили Сирдарё ва минтақаҳои шафати иншооти ирригатсионии ноҳия ҳавзҳои моҳипарварӣ ташкил намоянд.

Хоҷагидорону соҳибкорон бо истифода аз имтиёзу сабукиҳои муқарраргардида ба таъсиси хоҷагию ҳавзҳои моҳипарварӣ ҳавасманданд.

Сарвари давлат зимни сафарҳои корӣ дар як қатор шаҳру ноҳияҳои вилояти Суғд ба таъсиси хоҷагиҳо ва бунёди ҳавзҳои моҳипарварӣ асос гузоштаанд.

Тайи солҳои охир дар вилоят моҳипарварӣ рушд ёфта, то ин давра 33 хоҷагии моҳипарварӣ бо 43222 гектар масоҳати ҳавзҳои моҳипарварӣ амал мекунанд.

Истеҳсоли гушти моҳӣ давра ба давра зиёд гардида, дар соли 2022 дар вилоят 894 тонна гӯшти моҳӣ истеҳсол карда шудааст.

Таъсису ташкили чунин хоҷагию ҳавзҳои моҳипарварӣ ба рушди соҳа, афзоиш додани моҳии саноатӣ ва таъмини бозори дохилӣ бо гӯшти парҳезии моҳӣ мусоидат менамояд.

facebooktwitter

kaynak:http://www.president.tj/node/30380?utm_source=dlvr.it&utm_medium=twitter

 

 

 

]]> Ифтитоҳи хатти оби полезӣ ва оғоз бахшидан ба кишти пунбадона дар ноҳияи Зафаробод https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bf%d0%be%d0%bb%d0%b5%d0%b7%d3%a3-%d0%b2%d0%b0-%d0%be%d2%93%d0%be%d0%b7-%d0%b1%d0%b0%d1%85%d1%88-h42704.html Sat, 01 Apr 2023 15:29:10 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bf%d0%be%d0%bb%d0%b5%d0%b7%d3%a3-%d0%b2%d0%b0-%d0%be%d2%93%d0%be%d0%b7-%d0%b1%d0%b0%d1%85%d1%88-h42704.html

 

 

 

 

Ифтитоҳи хатти оби полезӣ ва оғоз бахшидан ба кишти пунбадона дар ноҳияи Зафаробод
.2023 , ноҳияи Зафаробод

Дар идомаи сафари корӣ Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Зафаробод ташриф оварда, хатти оби полезиро ифтитоҳ бахшиданд ва аз боғҳои нави интенсивию суперинтенсивӣ дар Кооперативи боғпарварии “Саховати Куруш” боздид намуданд.

Ҳамчунин дар Кооперативи тиҷоратии “Нур Темур” ба кишти пунбадона оғоз бахшида, аз намоиши тухмиҳои зироати кишоварзӣ боздид ба амал оварданд.

Пешвои миллат муҳтарам Эмомалӣ Раҳмон нахуст дар мавзеи Заррези ҷамоати деҳоти ба номи Абдураҳмони Ҷомии ноҳия хатти оби полезиро ба истифода доданд.

Иттилоъ дода шуд, ки 2 хатти оби полезӣ аз дарёи Сир то мавзеи заминҳои кишоварзӣ дар масофаи яке 980 метр, дуюмӣ 620 метр, дар маҷмуъ – 1600 метр бо васлу насби қубурҳои полиэтилении қутрашон 355 миллиметра аз ҷониби соҳибкор бо харҷи 1,5 миллион сомонӣ сохта, дар ҳар як соат тавассути онҳо 1700 метри мукааб об бароварда мешавад.

Аз пойгоҳи хурди барқӣ бо ду дастгоҳи обкашии иқтидори яке 1100 метри мукааб ва дуюмӣ 600 метри мукааб дар ҳар як соат аз канали обрасонии Фарҳод оби полезӣ кашида, ба мавзеи кишоварзӣ оварда шудааст.

Барои таъмини қувваи барқ ба муҳаррикҳои дастгоҳҳои обкашӣ дар масофаи 800 метр хати барқ сохта, 2 адад трансформатори иқтидорашон 400 киловатта насб гардидааст.

Тавассути иншооти нави обрасонӣ 200 гектар заминҳои кишоварзии хоҷагиҳои “Саховати Куруш” ва “Нур Темур” обёрӣ гардида, заминҳои қитъаҳои наздиҳавлигии аҳолии деҳаи Заррез низ бо оби полезӣ таъмин мешаванд.

Соҳибкорону хоҷагидорон бо анҷоми ин тадбир ва иҷрои ҳамвору коркарди замин дар ин минтақа беш аз 200 гектар заминҳои бекорхобида ва аз кор мондаро ба гардиши кишоварзӣ ворид намудаанд. Дар заминҳои ин минтақа давоми беш аз 30 сол аз сабаби аз кор мондани пойгоҳи обкашии “Меҳнат” зироати кишоварзӣ истеҳсол нашудааст.

Дар заминҳое, ки ба гардиши кишоварзӣ дароварда шудаанд, соли гузашта зироати пахта, ғалла, юнучқа кишт карда, боғҳои нави интенсивӣ бунёд гардиданд ва мавсими соли ҷорӣ ба кишти баҳорӣ вусъат бахшида шудааст.

Президенти мамлакат муҳтарам Эмомалӣ Раҳмон дар яке аз қитъаҳои замини кооперативи тиҷоратии “Нур Темур” ба маъракаи кишти пахта оғоз бахшиданд.

Хоҷагидорон дар заминҳои ин минтақа дар баробари таъсиси боғҳои интенсивию суперинтенсивӣ, кишту парвариши ғалла, зироати равғандеҳу хӯроки чорво пешбинӣ намудаанд, ки хаҷми истеҳсоли пахтаро зиёд намоянд.

Сарвари давлат муҳтарам Эмомалӣ Раҳмон ба хоҷагидорони ноҳияи Зафаробод дар кишти баҳорӣ барор хостанд.

Ба масъулони соҳа, хочагидорону мутахассисон дастуру супориш дода шуд, ки кишти зироату сабзавот, полезиҳоро дар муҳлат ва хушсифат, мутобиқ ба агротехника анҷом диҳанд.

Аз ҷумла, дар муҳлати барои обу ҳавои минтақа мутобиқ гузарондани кишти пунбадона яке аз омилҳои асосии ҳосилнокии баланди пахта мебошад.

Бо навсозии дастгоҳу муҳаррикҳои пойгоҳҳои обкашӣ дар хочагиҳои ноҳияи Зафаробод ҳаҷми истеҳсоли пахта бояд зиёд карда шавад. Хоҷагидорони ноҳия имконият доранд, ҳосилнокӣ ва ҳаҷми истеҳсоли пахтаро афзун намоянд. Дар иҷрои Барномаи давлатии рушди пахтакорӣ саҳм гузоранд, ки аз ин ҳисоб даромаднокӣ зиёд ва сатҳи зиндагии сокинони ноҳия баланд бардошта мешавад.

Дар ноҳия беш аз 4 ҳазор кооперативу хоҷагиҳои деҳқонӣ ба кишту парвариши пахта машғуланд. Соли ҷорӣ дурнамои кишти пахта дар масоҳати 14 ҳазору 650 гектар муқаррар гардидааст, ки ин аз соли 2022 зиёд аст. Соли гузашта кишоварзони ноҳия дар масоҳати 13 ҳазору 943 гектар пахта кишту парвариш намуда, зиёда аз 31 ҳазор тонна ашёи хоми саноатию содиротӣ истеҳсол намуданд.

Тазаккур бояд дод, ки давоми даҳ соли охир дар ноҳияи Зафаробод масоҳати кишти пахта қариб 5 ҳазор гектар зиёд, ҳосилнокӣ аз 2 то 5 сентнер баланд бардошта, ҳачми истеҳсоли пахта аз 20 ҳазор тоннаи соли 2010 11 ҳазор тонна афзун карда шудааст.

Соҳибкорону хоҷагидорони кооперативи тиҷоратии боғпарварии “Саховати Куруш” дар мавзеи Заррез соли 2022 дар масоҳати 5 гектар боғи интенсивии себу шафтолу бунёд намудаанд. Дар мавсими соли ҷорӣ бо истифодаю ҷорӣ намудани технологияи муосир дар масоҳати 2 гектар бунёди боғи интенсивиро идома дода, дар масоҳати 5 гектар боғи суперинтенсивии себу олуи сиёҳ бунёд менамоянд.

 

 

 

 

Сарвари давлат муҳтарам Эмомалӣ Раҳмон аз боғи суперинтенсивӣ дидан карда, ин иқдоми соҳибкорону мутахассисонро шоиста арзёбӣ намуданд.

Тибқи технология боғи суперинтенсивӣ бо иштироку тавсияи мутахассисони дохилию хориҷӣ ташкил гардида, ниҳолҳо тибқи реҷаи 80 сантиметр ба 4 метр шинонида шуда, дар масоҳати 5 гектар 16 ҳазор бех ниҳол ҷойгир карда шудааст.

Дар асоси технология ва талаботи физиологии боғдорӣ дар ин масоҳат 1000 бех ниҳолҳои модарии себу олу барои гардолудкунии ниҳолҳои боғ ҷойгир карда шудаанд.

Мувофиқи лоиҳа дар боғи суперинтенсивӣ бо истифода аз сутунпояҳои махсуси оҳану бетонӣ конструксияи боғдорӣ сохта шудааст, ки барои дар ҳолати меъёрии вертикалӣ нигоҳ доштани дарахтони боғ зарур аст.

Ҳамчунин, болои конструксияи оҳану бетонию симӣ бо масолеҳи тӯри махсус пӯшонида шудааст, ки барои аз нури офтоби аз ҳарорати 35 дараҷа баланд, аз борони сахту ҷола эмин доштану ҳифзи дарахтони боғ талаботи ниҳолҳои тагпайвандӣ мебошанд.

Президенти мамлакат муҳтарам Эмомалӣ Раҳмон зимни шиносоӣ ва суҳбат бо соҳибкорону мутахассисон таъкид намуданд, ки дар шароити пешрафти илму технология, бо мақсади афзун намудани ҳаҷми истеҳсоли меваю ангур ва баланд бардоштани сифату стандарти мева дар ҳар як минтақа ва дар умум дар кишвар боғу токзори интенсивӣ ва суперинтенсивӣ бояд зиёд карда шавад.

facebook

kaynak:http://www.president.tj/node/30379?utm_source=dlvr.it&utm_medium=twitter

 

 

]]>