Марказӣ – Ordu Hakimiyet https://orduhakimiyet.com Tue, 03 Oct 2023 08:37:12 +0000 tr hourly 1 https://orduhakimiyet.com/wp-content/uploads/2025/03/cropped-ordu-hakimiyet-32x32.webp Марказӣ – Ordu Hakimiyet https://orduhakimiyet.com 32 32 Суханронӣ дар Форуми иқтисодии давлатҳои Осиёи Марказӣ ва Олмон https://orduhakimiyet.com/%d1%81%d1%83%d1%85%d0%b0%d0%bd%d1%80%d0%be%d0%bd%d3%a3-%d0%b4%d0%b0%d1%80-%d1%84%d0%be%d1%80%d1%83%d0%bc%d0%b8-%d0%b8%d2%9b%d1%82%d0%b8%d1%81%d0%be%d0%b4%d0%b8%d0%b8-%d0%b4%d0%b0%d0%b2%d0%bb%d0%b0-h50102.html Tue, 03 Oct 2023 08:37:12 +0000 https://1453kralmedya.com/%d1%81%d1%83%d1%85%d0%b0%d0%bd%d1%80%d0%be%d0%bd%d3%a3-%d0%b4%d0%b0%d1%80-%d1%84%d0%be%d1%80%d1%83%d0%bc%d0%b8-%d0%b8%d2%9b%d1%82%d0%b8%d1%81%d0%be%d0%b4%d0%b8%d0%b8-%d0%b4%d0%b0%d0%b2%d0%bb%d0%b0-h50102.html

 

Суханронӣ дар Форуми иқтисодии давлатҳои Осиёи Марказӣ ва Олмон

.2023 , Олмон

Ҳамтоёни муҳтарам,
Муҳтарам хонум Катрина Клаас,
Муҳтарам иштирокчиёни Форум!

 

 

Пеш аз ҳама мехоҳам ба Кумитаи шарқии иқтисоди Олмон барои фароҳам овардани шароити мусоид ҷиҳати баргузории форуми имрӯза изҳори сипос намоям.

Масъалаҳои тавсеаи ҳамкории тиҷоратию иқтисодӣ ва сармоягузорӣ бо Ҷумҳурии Федеративии Олмон аз самтҳои афзалиятноки муносибатҳои мо ба шумор мераванд.

 

 

Бо шарофати дастовардҳои назарраси даврони соҳибистиқлолӣ Тоҷикистон босуръат тараққӣ карда истодааст.

Ҳадафҳо ва афзалиятҳои асосии рушд дар Стратегияи миллии рушди мамлакат барои давраи то соли 2030 муайян шудаанд.

Тибқи Стратегияи мазкур аз ҷониби Ҳукумат айни замон ислоҳоти васеъмиқёси иқтисодӣ татбиқ мешавад, ки ба таъмини рушди устувор нигаронида шудааст.

 

 

Дар ин раванд Тоҷикистон солҳои тӯлонӣ бо ниҳодҳои молиявии байналмилалӣ ва дигар шарикони рушд ҳамкории муваффақона дорад.

Бо дастгирии онҳо дар тамоми соҳаҳо садҳо лоиҳаву барномаҳои сармоягузорӣ дар Тоҷикистон амалӣ гардиданд.

Илова бар ин, мо ҳоло даҳҳо лоиҳаи дигар дорем, ки ба маблағи умумии 4,5 миллиард доллари ИМА амалӣ карда мешаванд.

Созмонҳои молии байналмилалӣ имрӯз Тоҷикистонро ҳамчун давлати дорои иқтисоди босуръат рушдёбанда арзёбӣ менамоянд.

Таъкид менамоям, ки суръати миёнаи солонаи рушди иқтисоди мамлакат дар давоми даҳ соли охир беш аз ҳафт фоизро ташкил додааст.

Дар Тоҷикистон бахши хусусӣ рушд менамояд, ки саҳми он дар истеҳсоли мол ва хизматрасонӣ тақрибан 90 фоизро ташкил медиҳад.

 

 

Барои ҷалби сармояи хориҷӣ шароити зарурӣ фароҳам оварда шуда, савдои байналмилалӣ вусъат меёбад.

Қонунгузории мамлакат барои ҳифзи соҳибкорӣ ва сармоягузорӣ имтиёзҳои зиёд ва кафолатҳои васеи ҳуқуқӣ фароҳам овардааст.

Узвияти давлати мо дар Созмони ҷаҳонии савдо ва як қатор конвенсияҳои байналмилалӣ оид ба ҳифзи ҳуқуқи сармоягузорон низ мутобиқати қонунгузории мамлакатро ба меъёрҳои байналмилалӣ собит менамояд.

Дӯстони азиз,

Тоҷикистон дорои сарватҳои фаровони табиӣ, махсусан захираҳои обу маъдан мебошад.

93 фоизи қаламрави Тоҷикистонро кӯҳҳо бо 13 ҳазор пирях, ки манбаи асосии оби нӯшокӣ мебошанд, ташкил медиҳанд.

Зиёда аз 60 дарсади манбаъҳои оби Осиёи Марказӣ дар Тоҷикистон ташаккул меёбанд.

Точикистон дар ҷаҳон аз рӯи захираҳои умумии гидроэнергетикӣ ҷойи ҳаштум ва аз ҷиҳати захираи хоси онҳо ба ҳар сари аҳолӣ ҷои дуюмро ишғол менамояд.

 

 

Имрӯз аз ин иқтидор ҳамагӣ 5 фоиз истифода карда мешавад.

Наваду ҳашт фоизи неруи барқи Тоҷикистон аз манбаъҳои барқароршавандаи «энергияи сабз» истеҳсол мегардад.

Аз рӯи ин нишондод Тоҷикистон дар ҷаҳон дар ҷойи шашум қарор дорад.

Мо нақша дорем, ки иқтидори истеҳсоли энергияи аз лиҳози экологи тозаи худро дар ояндаи наздик ҳамчун манбаи асосии пешбурди «иқтисоди сабз» ду баробар афзоиш диҳем.

Дар ин самт мо барои ҳамкории созанда ва судманд бо тамоми ҷонибҳои манфиатдор омода мебошем.

Рушди «иқтисоди сабз» яке аз ҳадафҳои асосии Ҳукумати Ҷумҳурии Тоҷикистон ба ҳисоб меравад.

Дар Тоҷикистон имконият фароҳам аст, ки тавассути истифода аз «энергияи сабз» бо таъсири камтарин ба муҳити зист истеҳсолоти дорои талаботи зиёд ба энергия ҷойгир карда шавад.

Истифодаи самараноки ин иқтидор сармоягузории зиёд ва ҷорӣ намудани технологияҳои навро тақозо менамояд.

 

 

Иқтидори гидроэнергетикии Тоҷикистон дар якҷоягӣ бо технологияҳои нав имкон медиҳад, ки алюминий ва дигар металлҳо, инчунин маҳсулоти тайёр аз онҳо бо ҳадди камтарини ихроҷи карбон истеҳсол карда шавад.

«Ширкати алюминии тоҷик» (ТАЛКО), ки дар истеҳсолот неруи барқи аз ҷиҳати экологӣ тозаро истифода менамояд, имрӯз аллакай ба панҷгонаи беҳтарин истеҳсолкунандагони ҷаҳонии «алюминийи сабз» ворид шудааст.

Истеҳсоли «алюминийи сабз», мис ва литий дар Тоҷикистон метавонад барои сармоягузорӣ дар истеҳсоли автомобилҳои барқӣ бартарӣ дошта бошанд.

 

 

Ҳамчунин бояд таъкид намуд, ки дар ояндаи наздик дар кишварҳои Иттиҳоди Аврупо маҳсулоте, ки бо истифода аз «энергияи сабз» истеҳсол мегардад, аз андози карбон озод карда мешавад.

Бо назардошти ин ва захираҳои мавҷудаи меҳнатӣ дар оянда истеҳсоли маҳсулоти саноатӣ дар Тоҷикистон, ки барои содирот ба бозорҳои Аврупо нигаронида шудааст, манфиатовар мегардад.

Бахши истеҳсоли саноатӣ, пеш аз ҳама, саноати кӯҳӣ, металлургӣ, сабук ва хӯрокворӣ, инчунин кооператсия самти мутақобилан судманди ҳамкории мо ба ҳисоб меравад.

 

 

Саноати истихроҷи маъдан низ дар Тоҷикистон бинобар сабаби талаботи зиёд ба захираҳои комилан зарурии маъданӣ дурнамои хуб дорад.

Дар Тоҷикистон тақрибан 40 намуд металл ва масолеҳ истихроҷ карда шуда, 800 кони маъданҳои полиметаллӣ, металлҳои нодир ва қиматбаҳо муайян ва кашф гардидааст, ки қисман барои азхудкунии саноатӣ омода мебошанд.

Истеҳсоли мис, нуқра, тилло, сурб, сурма, руҳ, литий, волфрам, симоб, металлҳои нодир, сангҳои қиматбаҳо ва нимқиматбаҳо, намаки сангӣ ва як қатор маъданҳои дигар дурнамои хуб дорад.

Дар соҳаи саноати сабук ва хӯроквории Тоҷикистон таваҷҷуҳи асосӣ ба ташкили кластерҳо барои коркарди амиқи ашёи хоми маҳаллӣ, пеш аз ҳама, маҳсулоти кишоварзӣ ва нахи пахта то маҳсулоти ниҳоии дорои арзиши баланди иловашуда нигаронида шудааст.

Ҳамкории мо дар саноати химия, фарматсевтика ва истеҳсоли масолеҳи сохтмонӣ дар асоси ашёи хоми маҳаллӣ низ метавонад ба ҳар ду ҷониб манфиатовар бошад.

 

 

Дар заминаи таъмини амнияти озуқаворӣ мо ба густариши ҳамкорӣ бо Олмон дар соҳаи кишоварзӣ, ки солҳои охир дар Тоҷикистон босуръат рушд менамояд, манфиатдор мебошем.

Дар ин самт мо метавонем аз имконияти Тоҷикистон барои истеҳсол ва содироти маҳсулоти аз лиҳози экологӣ тоза ба бозорҳои Аврупо самаранок истифода намоем.

Ҳукумати Тоҷикистон барои рушди соҳаи сайёҳӣ ва истифодаи иқтидори бузурги он, бахусус сайёҳии кӯҳнавардӣ, экологӣ ва солимгардонӣ тадбирҳои зарурӣ меандешад.

Бо ин мақсад ҷорӣ гардидани низоми бераводиди якҷониба барои шаҳрвандони як қатор давлатҳо, аз ҷумла Олмон имкон медиҳад, ки дар Тоҷикистон сӣ рӯз бе раводид қарор дошта бошанд.

Мо ҳамчунин ба ҳамкории мутақобилан судманд бо ҷониби Олмон дар рушди бахшҳои молия ва бонкдорӣ, бахусус истифодаи қоғазҳои қиматноки сабз ва рақамисозии иқтисоди Тоҷикистон манфиатдор ҳастем.

 

 

Дар хотима мехоҳам таъкид намоям, ки бартариҳои зикргардидаи Тоҷикистон, аз ҷумла:

– мавҷудияти захираҳои бузурги табиӣ, аз ҷумла захираҳои муҳимми маъдан ва ашёи хом;

– имконияти бузурги истеҳсоли энергияи сабз;

– мавҷудияти захираҳои кофии меҳнатӣ ва нишондиҳандаҳои мусбати демографӣ,

асоси ҳамкории мутақобилан судманди мо мебошанд.

Ба ҳамаи шумо саломатӣ ва муваффақият орзу менамоям.

Ташаккур барои таваҷҷуҳатон!

facebooktwitter

kaynak:http://www.president.tj/node/31567?utm_source=dlvr.it&utm_medium=twitter

 

 

 

 

]]> Иштирок дар нишасти Сарони давлатҳои Осиёи Марказӣ бо Президенти Ҷумҳурии Федеративии Олмон Франк – Валтер Штайнмайер https://orduhakimiyet.com/%d0%b8%d1%88%d1%82%d0%b8%d1%80%d0%be%d0%ba-%d0%b4%d0%b0%d1%80-%d0%bd%d0%b8%d1%88%d0%b0%d1%81%d1%82%d0%b8-%d1%81%d0%b0%d1%80%d0%be%d0%bd%d0%b8-%d0%b4%d0%b0%d0%b2%d0%bb%d0%b0%d1%82%d2%b3%d0%be%d0%b8-h50072.html Mon, 02 Oct 2023 07:36:14 +0000 https://1453kralmedya.com/%d0%b8%d1%88%d1%82%d0%b8%d1%80%d0%be%d0%ba-%d0%b4%d0%b0%d1%80-%d0%bd%d0%b8%d1%88%d0%b0%d1%81%d1%82%d0%b8-%d1%81%d0%b0%d1%80%d0%be%d0%bd%d0%b8-%d0%b4%d0%b0%d0%b2%d0%bb%d0%b0%d1%82%d2%b3%d0%be%d0%b8-h50072.html

 

 

 

 

Иштирок дар нишасти Сарони давлатҳои Осиёи Марказӣ бо Президенти Ҷумҳурии Федеративии Олмон Франк – Валтер Штайнмайер

.2023 , Олмон

 

 

 

 

29 сентябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Берлин дар ҳошияи Вохӯрии якуми сарони давлатҳои “Осиёи Марказӣ ва Олмон” дар нишасти Сарони давлатҳои Осиёи Марказӣ бо Президенти Ҷумҳурии Федеративии Олмон Франк-Валтер Штайнмайер иштирок ва суханронӣ намуданд.

 

 

 

 

Зимни нишаст масоили ҳамкории минтақавии ҷонибҳо ва рӯзномаи ҳамоиши “Осиёи Марказӣ ва Ҷумҳурии Федеративии Олмон” баррасӣ гардид.

 

 

 

 

Президенти мамлакат муҳтарам Эмомалӣ Раҳмон аз пазироии самимии роҳбарияти кишвари мизбон ва имкони дидору мулоқот изҳори қаноатмандӣ намуданд.

Ҷонибҳо зимни вохӯрӣ оид ба тавсеаи робитаҳои минтақавӣ ва дуҷониба дар соҳаҳои тиҷорату иқтисод, афзоиши ҳаҷми гардиши мол, содироти маҳсулоти кишоварзӣ ва рушди ҳамкориҳои байниминтақавӣ андешаронӣ намуданд.

Дар баробари ин зарур шумурда шуд, ки ҳамкориҳои минтақавӣ дар самти сармоягузорӣ, дар бахшҳои гуногуни саноат, обу энергетика, нақлиёт, коммуникатсия ва сайёҳӣ фаъол карда шавад.

Зимни баррасии масоили ҳамкории амниятӣ ба мавзӯи афзоиши таҳдиду хатарҳо, аз он ҷумла вазъ дар Афғонистон таваҷҷуҳ зоҳир гардид.

Инчунин Сарвари давлат оид ба имкониятҳо ва зарфиятҳои мавҷудаи кишвар ва инчунин самтҳои афзалиятноки мутақобилан судмандро таъкид намуданд.

Дар охири суҳбат Президенти мамлакат муҳтарам Эмомалӣ Раҳмон аз Президенти Ҷумҳурии Федеративии Олмон Франк-Валтер Штайнмайер даъват ба амал оварданд, ки дар вақти барояшон муносиб бо сафари расмӣ ба Тоҷикистон ташриф оранд.

 

 

Маводҳо доир ба мавзӯъ:

Маводи дигар вобаста ба робитаҳо дар сатҳи олӣ миёни Тоҷикистон ва Олмон

facebooktwitter

kaynak:http://www.president.tj/node/31551?utm_source=dlvr.it&utm_medium=twitter

 

 

 

]]> Иштирок дар ҷаласаи васеи Шӯрои олии иқтисодии авруосиёи Иттиҳоди иқтисодии Авруосиё https://orduhakimiyet.com/%d0%b8%d1%88%d1%82%d0%b8%d1%80%d0%be%d0%ba-%d0%b4%d0%b0%d1%80-%d2%b7%d0%b0%d0%bb%d0%b0%d1%81%d0%b0%d0%b8-%d0%b2%d0%b0%d1%81%d0%b5%d0%b8-%d1%88%d3%af%d1%80%d0%be%d0%b8-%d0%be%d0%bb%d0%b8%d0%b8-%d0%b8-h45771.html Sat, 27 May 2023 15:16:43 +0000 https://1453kralmedya.com/%d0%b8%d1%88%d1%82%d0%b8%d1%80%d0%be%d0%ba-%d0%b4%d0%b0%d1%80-%d2%b7%d0%b0%d0%bb%d0%b0%d1%81%d0%b0%d0%b8-%d0%b2%d0%b0%d1%81%d0%b5%d0%b8-%d1%88%d3%af%d1%80%d0%be%d0%b8-%d0%be%d0%bb%d0%b8%d0%b8-%d0%b8-h45771.html

 

 

 

Иштирок дар ҷаласаи васеи Шӯрои олии иқтисодии авруосиёи Иттиҳоди иқтисодии Авруосиё

.2023 , шаҳри Душанбе

Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи васеи Шӯрои олии иқтисодии авруосиёи Иттиҳоди иқтисодии Авруосиё ба ҳайси роҳбари давлати даъватшуда дар шакли маҷозӣ иштирок ва суханронӣ карданд.

 

 

 

 

Ҷаласаи Шӯро дар шаҳри Москва таҳти раёсати Президенти Федератсияи Русия, Раиси Шӯрои олии иқтисодии авруосиёи Иттиҳоди иқтисодии Авруосиё Владимир Путин сурат гирифт.

Президенти Ҷумҳурии Тоҷикистон муҳтарам Эмомалӣ Раҳмон дар суханронии худ изҳор доштанд, ки кишварҳои аъзо ва нозирони Иттиҳоди иқтисодии Авруосиё шарикони анъанавии Тоҷикистон маҳсуб меёбанд ва кишвари мо дар асоси дуҷониба бо аксари онҳо робитаҳои зичи тиҷоративу иқтисодӣ дорад.

Ҳаҷми умумии гардиши мол миёни Тоҷикистон ва кишварҳои номбурда ҳамасола тамоюли афзоиши босуботро касб кардааст. Ҳамин аст, ки ҳиссаи кишварҳои Иттиҳод дар тиҷорати хориҷии кишвари мо дар соли 2022 зиёда аз 42 фоизро ташкил карда, қариб панҷоҳ фоизи содироти молҳои истеҳсоли маҳаллӣ ба онҳо рост меояд.

Бо таъкиди алоқамандии ҷониби Тоҷикистон ба рушду тавсеаи минбаъдаи робитаҳои дуҷонибаи тиҷоративу иқтисодӣ бо кишварҳои Иттиҳод Сарвари давлати мо бахшҳои мухталифи саноат, соҳаҳои нақлиёт, кишоварзӣ ва гидроэнергетикаро ба ҳайси яке аз манбаъҳои асосии тавлиди “энергияи “сабз” ва заминаи калидии рушди “иқтисоди сабз” ҳамчун самтҳои барои ҷонибҳо манфиатовари ҳамкорӣ номбар карданд.

Дар фарҷоми сухани худ Пешвои миллат таъкид карданд, ки ҳамкорӣ дар асоси манфиатҳои умумӣ авлавияти амалҳои мо дар сатҳи минтақавӣ муайян гардидааст ва Тоҷикистон онро минбаъд ҳам рӯйи кор хоҳад гирифт.

facebooktwitter

kaynak:http://www.president.tj/node/30750?utm_source=dlvr.it&utm_medium=twitter

 

 

]]> Ифтитоҳи ҶДММ «Сипар гурӯҳ» дар шаҳри Турсунзода https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d2%b7%d0%b4%d0%bc%d0%bc-%d1%81%d0%b8%d0%bf%d0%b0%d1%80-%d0%b3%d1%83%d1%80%d3%af%d2%b3-%d0%b4%d0%b0%d1%80-%d1%88%d0%b0%d2%b3%d1%80%d0%b8-h45769.html Sat, 27 May 2023 13:42:03 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d2%b7%d0%b4%d0%bc%d0%bc-%d1%81%d0%b8%d0%bf%d0%b0%d1%80-%d0%b3%d1%83%d1%80%d3%af%d2%b3-%d0%b4%d0%b0%d1%80-%d1%88%d0%b0%d2%b3%d1%80%d0%b8-h45769.html

 

 

 

Ифтитоҳи ҶДММ «Сипар гурӯҳ» дар шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар шаҳри Турсунзода Ҷамъияти дорои масъулияти маҳдуди «Сипар гурӯҳ» – ро ба истифода доданд.

Корхонаи «Сипар гурӯҳ» дар доираи «Солҳои рушди саноат», 2022 – 2026 ва татбиқи ҳадафҳои «Барномаи давлатии рушди комплекси нақлиёти Ҷумҳурии Тоҷикистон барои соли 2025» сохта шуда, самти фаъолияти асосии он ба ҷамъу васлсозии мошинҳои махсуси ҳарбӣ ва гражданӣ равона гардидааст.

Дар корхонаи навбунёд, ки дар ҳамкорӣ бо шарикони рушд таъсис ёфтааст, дар марҳилаи аввал бо ворид намудани қисмҳои алоҳида аз хориҷи мамлакат ҷамъу васли 17 намуд нақлиёти махсус ба роҳ монда шудааст ва оянда ин нишондод афзоиш дода мешавад.

 

 

 

 

Тавре иттилоъ дода шуд, қисмҳои алоҳида барои омода намудани нақлиёти махсуси ҳарбӣ ва гражданӣ асосан аз Ширкати «STREIT GROUP» -и Амороти Муттаҳидаи Араб дастрас мегардад.

Иқтидори солонаи корхонаи нави саноатӣ ҷамъу васли 120 нақлиёт мебошад ва оянда бо назардошти талабот ин рақам афзоиш хоҳад ёфт.

Мошинҳои омодашаванда дар ин корхона барои таъмини ҷузъу томҳои Қувваҳои мусаллаҳи Ҷумҳурии Тоҷикистон нигаронида шудаанд. Ҳамчунин оянда содироти он ба кишварҳои хориҷ дар назар аст.

Таъсис ва ба фаъолият оғоз кардани иншооти нави саноати мошинсозӣ, ки дар асоси дастуру супоришҳои Сарвари давлат муҳтарам Эмомалӣ Раҳмон амалӣ карда шуд, аз иқдомҳои муҳиму самарабахш дар самти рушди ин соҳа дар мамлакат дониста мешавад.

Дар заминаи ба фаъолият оғоз намудани корхона дар шаҳри Турсунзода 100 нафар бо ҷои кор ва маоши хуб таъмин гардид.

Дар асоси нақша кормандони корхона оянда аз ҷониби маъруфтарин ширкатҳои мошинсозии соҳавии кишварҳои пешрафта ба курсҳои кутоҳмуддати омӯзишии ҷамъу васлсозии ин намуди нақлиёт ҷалб карда мешаванд.

Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо раванди истеҳсолот ва санҷиши техникии аввалин мошинҳои дар ин корхона омодашуда шинос шуданд.

Мутобиқати нақлиёти корхонаи мазкур аз рӯи баҳодиҳии мутахассисони соҳа ҷавобгӯ ба талаботу меъёрҳои ҷаҳонии мошинсозӣ мебошад.

Бунёди корхонаи нақлиётсозӣ дар Ҷумҳурии Тоҷикистон аз иқдомҳои назаррас дар самти татбиқи ҳадафи чоруми стратегӣ – саноатикунонии босуръати мамлакат буда, ба таъкиди масъулон барои таъмир ва истеҳсоли дигар намуди техникаҳо дар дохил заминаи мусоидро ба вуҷуд меорад.

facebooktwitter

kaynak:http://www.president.tj/node/30733?utm_source=dlvr.it&utm_medium=twitter

 

 

]]> Шиносоӣ бо лоиҳаи навсозии силсилаҳои 5 ва 6-и Ҷамъияти саҳомии кушодаи «Ширкати алюминийи тоҷик» дар шаҳри Турсунзода https://orduhakimiyet.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%bb%d0%be%d0%b8%d2%b3%d0%b0%d0%b8-%d0%bd%d0%b0%d0%b2%d1%81%d0%be%d0%b7%d0%b8%d0%b8-%d1%81%d0%b8%d0%bb%d1%81%d0%b8%d0%bb%d0%b0%d2%b3%d0%be-h45767.html Sat, 27 May 2023 12:38:44 +0000 https://1453kralmedya.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%bb%d0%be%d0%b8%d2%b3%d0%b0%d0%b8-%d0%bd%d0%b0%d0%b2%d1%81%d0%be%d0%b7%d0%b8%d0%b8-%d1%81%d0%b8%d0%bb%d1%81%d0%b8%d0%bb%d0%b0%d2%b3%d0%be-h45767.html

 

 

 

Шиносоӣ бо лоиҳаи навсозии силсилаҳои 5 ва 6-и Ҷамъияти саҳомии кушодаи «Ширкати алюминийи тоҷик» дар шаҳри Турсунзода

.2023 , шаҳри Душанбе

24 майи дар идомаи сафари корӣ дар шаҳри Турсунзода Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо лоиҳаи навсозии силсилаҳои 5 ва 6-и Ҷамъияти саҳомии кушодаи «Ширкати алюминийи тоҷик» шинос шуданд.

Таҷдиду навсозии силсилаҳои 5 ва 6-и «Ширкати алюминийи тоҷик» бо дарназардоштаи талаботи муосир дар се марҳила амалӣ гардида, ҳадаф аз он афзоиш додани устувории саноати металлургӣ мебошад.

Муҳлати амалишавии марҳилаи аввали лоиҳа 14 моҳро ташкил медиҳад ва иқтидори истеҳсолӣ дар ин марҳила 80 ҳазор тонна маҳсулот дар як сол мебошад.

Марҳилаи дуюми таҷдиду навсозӣ солҳои 2025 – 2026-ро дар бар гирифта, дар индавра қисми боқимондаи силсилаи 6-и истеҳсолоти электролиз навсозӣ карда шуда, филизи истеҳсолшаванда дар як сол 70 ҳазор тоннаро ташкил хоҳад дод.

Дар марҳилаи сеюми татбиқи лоиҳа, ки 14 моҳ муқаррар гардидааст, силсилаи 5-и истеҳсолоти электролиз пурра навсозӣ ва дар он технологияҳои нави истеҳсоли алюминий васлу насб мегардад. Иқтидори истеҳсолӣ дар ин марҳила аз рӯи лоиҳа 150 ҳазор тонна маҳсулот дар як сол мебошад.

Таҷдиду навсозии силсилаҳои 5 ва 6-и Ҷамъияти саҳомии кушодаи «Ширкати алюминийи тоҷик» дар заминаи асосноккунии техникӣ – иқтисодии ширкати чинии «GAMI» дар ҳамкорӣ бо «China machinery engineering corporation» бо истифода аз навтарин технологияҳои системаи автоматонии идораи равандҳои технологӣ ва таъминоти худкори гилхок сурат мегирад.

Аснои муаррифии лоиҳаи навсозии силсилаҳои мазкур иттилоъ дода шуд, ки татбиқи пурраи он дар асоси талаботи муосир имкон медиҳад, ки истифодаи қувваи барқ зиёда аз як маротиба коҳиш дода шуда, маҳсулнокии гилхок, алюминийи фтордор, криолит ва анод ба маротиб беҳтар карда шавад. Зеро ба гуфти масъулон технологияи мавҷудаи электролизёрҳо дар ширкат, ки қисми зиёди онҳо ба солҳои пеш тааллуқ доранд, аллакай куҳна гардида, боиси талафёбии гилхок ва ифлосшавии он шуда, хароҷоти меҳнатро афзун менамоянд.

 

 

 

 

Ҷорӣ намудани технологияи пешқадами ҷаҳонӣ дар раванди истеҳсолот бо навсозии пурраи силсилаҳои 5 ва 6-и «Ширкати алюминийи тоҷик» то соли 2027 иқтидори истеҳсолиро то 300 ҳазор тонна дар як сол мерасонад.

Ба андешаи мутахассисон васлу насби технологияи нави истеҳсолӣ имкон фароҳам месозад, ки тавассути сарфаи неруи барқ, автоматикунонии раванди истеҳсолот, риояи меъёрҳои технологии истеҳсолот ва баланд шудани сифати маҳсулоти ниҳоӣ арзиши алюминий коҳиш дода шавад.

Ҳамин тариқ, паз аз навсозии пурра ва дубора ба фаъолият оғоз кардани силсилаҳои мазкур 1 ҳазору 500 ҷойи нави корӣ таъсис меёбад.

Сарвари давлат муҳтарам Эмомалӣ Раҳмон зимни шиносоӣ бо лоиҳаи навсозии технологияи истеҳсоли алюминий дар силсилаҳои 5 ва 6 ба масъулон ҷиҳати саривақт ва бо сифати баланд анҷом додани тадбирҳои бунёдкориву муҷаҳҳазсозӣ дастурҳои мушаххас доданд.

«Ширкати алюминийи тоҷик» аз зумраи истеҳсолкунандагони азими ҷаҳонии алюминий буда, дар асоси татбиқи тадбирҳои созанда тайи солҳои зиёд нуфузи худро ҳамчун ширкати аз ҳама босуръат рушдкунандаи мамлакат нигоҳ доштааст. Маҳсулоти истеҳсолии ин корхонаи азими саноатӣ ба стандартҳои байналмилалӣ ҷавобгӯй буда, дар бозорҳои ҷаҳонӣ харидорӣ зиёд доранд.

Таъкид кардан ба маврид аст, ки бунёду ба истифода додани корхонаю коргоҳҳои нави саноатӣ дар мамлакат дар доираи дастуру супоришҳои Пешвои миллат муҳтарам Эмомалӣ Раҳмон имкон медиҳад, ки ошёи хоми ватанӣ то марҳилаи ниҳоӣ коркард шуда, бо ин васила ҳаҷми истеҳсоли маҳсулот афзоиш дода шавад ва барои шаҳрвандон ҷойҳои нави корӣ таъсис ёбад.

facebooktwitter

kaynak:http://www.president.tj/node/30732?utm_source=dlvr.it&utm_medium=twitter

 

 

]]> Ифтитоҳи бинои шуъбаи минтақавии мубориза бар зидди ҷиноятҳои муташаккили ВКД дар шаҳри Турсунзода https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%88%d1%83%d1%8a%d0%b1%d0%b0%d0%b8-%d0%bc%d0%b8%d0%bd%d1%82%d0%b0%d2%9b%d0%b0%d0%b2%d0%b8%d0%b8-%d0%bc%d1%83%d0%b1-h45763.html Sat, 27 May 2023 09:04:31 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%88%d1%83%d1%8a%d0%b1%d0%b0%d0%b8-%d0%bc%d0%b8%d0%bd%d1%82%d0%b0%d2%9b%d0%b0%d0%b2%d0%b8%d0%b8-%d0%bc%d1%83%d0%b1-h45763.html

 

 

 

Ифтитоҳи бинои шуъбаи минтақавии мубориза бар зидди ҷиноятҳои муташаккили ВКД дар шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Турсунзода бинои шуъбаи минтақавии мубориза бар зидди ҷиноятҳои муташаккил дар гурӯҳи ноҳияҳои Ҳисори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистонро ифтитоҳ намуданд.

 

 

 

 

Бинои нав аз таҳхона ва ду ошёна иборат буда, дар он барои кормандони мақомоти милитсия тамоми инфрасохтори зарурӣ бо дарназардошти талаботи замон фароҳам оварда шудааст.

Иншооти мазкур бо мақсади дар сатҳи баланд таҷлил намудани 35-солагии Истиқлоли давлатии Ҷумҳурии Тоҷикистон дар масоҳати умумии як гектар замин бунёд гардидааст.

Мувофиқи лоиҳа бинои нав барои пешбурди фаъолияти самараноки дастаи махсуси зудамали шуъба пешбинӣ гардида, дорои 24 ҷойи хоб барои афсарон мебошад.

Бинои навбунёд аз маҷлисгоҳ барои 50 ҷойи нишаст, ошхона ва дигар иншооти ёрирасон иборат аст. Маҷлисгоҳ бо нишастгоҳҳои замонавӣ таъмин буда, барои гузаронидани чорабиниҳо ва мулоқотҳо пешбинӣ гардидааст.

Дар китобхонаи электронӣ номгӯи зиёди адабиёти соҳавӣ ва асарҳои илмию бадеии тозанашр мавҷуд аст, ки кормандон метавонанд дар вақти муносиб ба мутолиа машғул шуда, дониш, малака ва ҷаҳонбинии худро васеъ намоянд.

Барои ба варзиш машғул шудани кормандони шуъба, хусусан дастаи зудамал майдон ва як толори варзишӣ сохта шудааст. Майдону толор бо тарҳи муосир бунёд гардида, бо таҷҳизоти зарурии машқу тамрин таъмин аст. Масоҳати майдони варзишӣ 600 ва толори варзишӣ 120 метри мураббаъро ташкил медиҳад.

 

Kaynak:http://www.president.tj/node/30731?utm_source=dlvr.it&utm_medium=twitter

 

 

]]> Шиносоӣ бо Лоиҳаи банақшагирии қисмати маркази шаҳри Турсунзода https://orduhakimiyet.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%bb%d0%be%d0%b8%d2%b3%d0%b0%d0%b8-%d0%b1%d0%b0%d0%bd%d0%b0%d2%9b%d1%88%d0%b0%d0%b3%d0%b8%d1%80%d0%b8%d0%b8-%d2%9b%d0%b8%d1%81%d0%bc%d0%b0-h45761.html Sat, 27 May 2023 08:28:50 +0000 https://1453kralmedya.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%bb%d0%be%d0%b8%d2%b3%d0%b0%d0%b8-%d0%b1%d0%b0%d0%bd%d0%b0%d2%9b%d1%88%d0%b0%d0%b3%d0%b8%d1%80%d0%b8%d0%b8-%d2%9b%d0%b8%d1%81%d0%bc%d0%b0-h45761.html

 

 

Шиносоӣ бо Лоиҳаи банақшагирии қисмати маркази шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Лоиҳаи банақшагирии маҳаллаҳои якум, дуюм, сеюм, чорум ва қисмати маркази шаҳри Турсунзода шинос шуданд.

Мутобиқи маълумот ҷиҳати татбиқи нақшаи генералии шаҳри Турсунзода 128 гектар замин илова гардида, масоҳати умумии маркази шаҳр ба 778 гектар расонида мешавад, ки ин барои 100 ҳазор аҳолӣ пешбинӣ шудааст.

Мутобиқи нақшаи муфассали банақшагирии шаҳр дар масоҳати зиёда аз 86 гектар 270 бинои истиқоматии 6, 9, 10 ва 16 ошёна сохта мавриди истифода қарор дода мешаванд.

Иншооти зикршуда дар заминаи манзилҳои як ва ду қабата ва хобгоҳҳои дуошёна, инчунин биноҳои кӯҳнаву фарсудаи маҳаллаҳои якум, дуюм, сеюм, чорум ва қисмати марказии шаҳр бунёд мегарданд.

 

 

 

Баҳри фароҳам овардани шароити мусоиди зист ба аҳолии шаҳр иншооти ҷамъиятию маъмурӣ, муассисаҳои таҳсилоти миёнаи умумӣ, боғчаҳои кӯдакона, боғи фарҳангию фароғатӣ, майдончаҳои варзишию солимгардонӣ ва иншооти таъиноташон гуногун ба нақша гирифта шудааст, ки ҳамаи он бо дастгирии Ҳукумати Ҷумҳурии Тоҷикистон, ҷалби соҳибкорони ватанӣ ва дигар сарчашмаҳои маблағгузорӣ дар муҳлати муайян бо сатҳу сифати баланд анҷом дода мешаванд.

Ҳамзамон дар ҷараёни татбиқи амалии нақшаи муфассали банақшагирии маҳаллаҳои марказии шаҳр зиёда аз 28 километр роҳи байнишаҳрӣ таъмиру азнавсозӣ мегардад, ки дар самти таъмини ҳаракати мунтазами ҳамагуна воситаҳои нақлиёт мусоидат мекунад.

Лоиҳаи нақшаи генералии шаҳри Турсунзода аз ҷониби Ҷамъияти саҳомии кушодаи “Шаҳрофар” омода карда шудааст.

Президенти Ҷумҳурии Тоҷикистон муҳтарам Эмомалӣ Раҳмон зимни шиносоӣ бо Лоиҳаи банақшагирии маҳаллаҳои номбурда ба роҳбарияти шаҳр ва дигар масъулини иншооти сохташаванда ҷиҳати бо сифати баланд анҷом додани корҳои бунёдӣ дастуру маслиҳатҳои муфид доданд.

Лозим ба таъкид аст, ки бахшида ба 35-солагии Истиқлоли давлатии Ҷумҳурии Тоҷикистон дар шаҳри Турсунзода 400 иншооти ҷашнӣ ба нақша гирифта шудаст, ки то ин ҷониб қариб 90 иншоот мавриди истифодабарӣ қарор гирифтаанд.

Бояд қайд намуд, ки солҳои минбаъда бо татбиқи нақшаи генералии шаҳри Турсунзода симои маҳаллаҳо ва маркази шаҳр зебову назаррабо гардида, ҳамзамон ҷойҳои нави корӣ муҳайё мешавад, ки дар самти боз ҳам беҳтару хубтар шудани сатҳу сифати зиндагии сокинон мусоидат менамояд.

facebooktwitter

kaynak:http://www.president.tj/node/30730?utm_source=dlvr.it&utm_medium=twitter

 

 

]]> Ба истифода додани маркази ташхисию табобатии “Тибби Равшан” дар маркази деҳоти Овчиқалъачаи ноҳияи Бобоҷон Ғафуров https://orduhakimiyet.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%82%d0%b0%d1%88%d1%85%d0%b8%d1%81%d0%b8%d1%8e-%d1%82-h42743.html Sun, 02 Apr 2023 15:02:49 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%82%d0%b0%d1%88%d1%85%d0%b8%d1%81%d0%b8%d1%8e-%d1%82-h42743.html

 

 

 

Ба истифода додани маркази ташхисию табобатии “Тибби Равшан” дар маркази деҳоти Овчиқалъачаи ноҳияи Бобоҷон Ғафуров

.2023 , ноҳияи Бобоҷон Ғафуров

Дар маркази деҳоти Овчиқалъачаи ноҳияи Бобоҷон Ғафурови вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ифтитоҳи коргоҳҳои истеҳсолӣ ҳамзамон бинои хуштарҳу замонавии маркази ташхисию табобатии “Тибби Равшан”-ро мавриди баҳрабардорӣ қарор доданд.

Иншоот дар доираи тадбирҳои созандагӣ ба истиқболи ҷашни 35 – солагии Истиқлоли давлатии Ҷумҳурии Тоҷикистон бо саҳми соҳибкори ватанӣ, сокини деҳоти Овчиқалъача Алишер Ҳайдаров сохта шуда, аз ду ошёна ва таҳхона иборат мебошад.

 

 

 

 

 

Сарвари давлат муҳтарам Эмомалӣ Раҳмон дар ин ҷо нахуст бо шароити кории маркази навбунёди тиббӣ, аз ҷумла ҳуҷраҳои корӣ ва дастгоҳу таҷҳизоти муосир шинос шуданд.

Иттилоъ дода шуд, ки дар марказ барои муолиҷа кардани беморон мутахассисони ботаҷриба ҷалб гардида, хизматрасонии тиббӣ дар сатҳи зарурӣ анҷом дода мешавад.

Бинои маркази ташхисию табобатии “Тибби Равшан” бо тарҳи хеле зебо ва ҷавобгӯи талаботи сохтмонию меъморӣ сохта шуда, дорои 7 ҳуҷраи ташхисию муолиҷавӣ ва 4 ҳуҷра бо 11 кати хоб мебошад, ки ҳамаи онҳо бо мизу курсӣ ва дастгоҳу таҷҳизоти зарурии ташхисию табобатӣ таъмин мебошанд.

Дар ин маркази навтаъсиси тиббӣ 15 нафар сокини маҳаллӣ бо ҷойи корӣ доимӣ таъмин шуданд.

Дар таҳхонаи бинои маркази навтаъсиси ташхисию табобатӣ ҳуҷраҳои физиотерапевтӣ амал менамояд, ки бо рахти хоб ва дастгоҳу таҷҳизоти замонавӣ таъмин мебошад.

Мувофиқи лоиҳа дар ошёнаи якуми иншоот ҳуҷраҳои ултрасадо, рентгени рақамӣ, асабшиносӣ, ҳуҷраҳо барои табобати бемориҳои амрози даруна, ҳуҷраи дандонпизишкӣ, ташхисгоҳ ва ҳуҷраи табобатии амрозӣ занона ҷойгир буда, дар ошёнаи дуюм барои ба табобат фаро гирифтани сокинон 11 кати хоб бо шароити муосир таъмин гардидааст, ки табибон бо истифода аз дастгоҳу технологияи пешрафта ва муносибати хуб ба сокинон хизматрасонии босифату бенуқсони тиббӣ мерасонанд.

Сокинони деҳоти Овчиқалъачаи ноҳияи Бобоҷон Ғафуров аз таваҷҷуҳ ва дастгириҳои пайвастаи Пешвои миллат муҳтарам Эмомалӣ Раҳмон ва вусъати тадбирҳои бузурги ободонӣ дар марказ, инчунин бунёду ба истифодадиҳии майдони парчами давлатӣ, бинои муосири тиббӣ, коргоҳҳои истеҳсолӣ ва дигар инфрасохтори зарурӣ, ки барои беҳдошти сатҳи зиндагии мардум нигаронида шудааст, изҳори сипосу миннатдорӣ намуданд.

facebooktwitter

kaynak:http://www.president.tj/node/30408?utm_source=dlvr.it&utm_medium=twitter

 

 

 

]]> Ифтитоҳи Маркази саломатии деҳаи Зарафшони деҳоти Ҷомии ноҳияи Зафаробод баъди таъмиру азнавсозӣ https://orduhakimiyet.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%81%d0%b0%d0%bb%d0%be%d0%bc%d0%b0%d1%82%d0%b8%d0%b8-%d0%b4%d0%b5%d2%b3%d0%b0%d0%b8-%d0%b7%d0%b0%d1%80-h42708.html Sat, 01 Apr 2023 18:23:54 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%81%d0%b0%d0%bb%d0%be%d0%bc%d0%b0%d1%82%d0%b8%d0%b8-%d0%b4%d0%b5%d2%b3%d0%b0%d0%b8-%d0%b7%d0%b0%d1%80-h42708.html

 

 

 

 

 

 

Ифтитоҳи Маркази саломатии деҳаи Зарафшони деҳоти Ҷомии ноҳияи Зафаробод баъди таъмиру азнавсозӣ
31.03.2023 , ноҳияи Зафаробод

Дар ҷараёни боздид аз шаҳру ноҳияҳои вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Зарафшони деҳоти Ҷомии ноҳияи Зафаробод Маркази саломатиро мавриди истифода қарор доданд.

Корҳои сохтмонӣ ва таъмиру азнавсозӣ дар ин иншооти соҳаи тандурустӣ моҳи октябри соли 2022 оғоз гардида буд. Пудратчии иншоот Ҷамъияти дорои масъулияташ маҳдуди “СМУ-1” мебошад.

Бинои Маркази саломатии деҳаи Зарафшони деҳоти Ҷомӣ якошёна буда, аз 3 толор, 9 ҳуҷра, аз ҷумла ҳуҷраҳои табибони оилавӣ, муоинаи бемориҳои занона, доругузаронӣ, эмгузаронӣ, таҳлилгоҳу озмоишгоҳ, хатнаи кӯдакон, ташхиси ултрасадо, таваллуд ва баъди таваллуд иборат мебошад.

 

 

 

 

Баъди таъмиру азнавсозӣ имконият ва шароити ташхису табобат дар Маркази саломатии деҳаи Зарафшон бо ворид намудан ва муҷаҳҳаз гардонидани таҷҳизотҳои муосири тиббӣ, ашё, дигар ҷиҳози зарурӣ мувофиқ ба талаботи замон, хубтару беҳтар ба роҳ монда шудааст.

Ба туфайли фаъолияти Маркази саломатии деҳаи Зарафшон 9 нафар, аз ҷумла 1 табиб, 6 корманди миёнаи тиб, 1 корманди хурди тиб ва хоҷагидор бо ҷойи кори доимӣ ва маоши хуб таъмин ҳастанд.

Аксари мутахассисони соҳа, ки дар ин Маркази саломатӣ фаъолият мекунанд, сокинони ҳамин деҳот мебошанд.

Сарвари давлат муҳтарам Эмомалӣ Раҳмон зимни суҳбат ба мутахассисони Маркази саломатии деҳаи Зарафшон ва ҳам масъулони соҳаи тандурустии вилояту ноҳия дастур доданд, ки дар фаъолияти касбӣ ба сокинон содиқона хизмат намоянд.

Аз усулҳои муосиру маъмули ташхису табобати беморон истифода намуда, хизматрасонии тиббиро дар сатҳи зарурӣ ба роҳ монанд.

Қобили тазаккур аст, ки баъди таъмиру азнавсозӣ намуди зоҳирӣ, дохили бино, ҳуҷраҳои ташхису табобат ва дигар намуди хизматрасониҳои тиббии Маркази саломатии деҳаи Зарафшон куллан дигаргун, барҳавою зебо, атрофи он кабудизору гулзор ва дилкашу гуворо гардидааст.

facebooktwitter

kaynak:http://www.president.tj/node/30381?utm_source=dlvr.it&utm_medium=twitter

 

 

]]> Мулоқот бо Ноиби Президенти Бонки ҷаҳонӣ оид ба Аврупо ва Осиёи Марказӣ хонум Анна Бйерде https://orduhakimiyet.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bd%d0%be%d0%b8%d0%b1%d0%b8-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d0%b1%d0%be%d0%bd%d0%ba%d0%b8-%d2%b7%d0%b0%d2%b3-h41855.html Wed, 08 Mar 2023 01:28:54 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bd%d0%be%d0%b8%d0%b1%d0%b8-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d0%b1%d0%be%d0%bd%d0%ba%d0%b8-%d2%b7%d0%b0%d2%b3-h41855.html

 

 

 

 

 

Мулоқот бо Ноиби Президенти Бонки ҷаҳонӣ оид ба Аврупо ва Осиёи Марказӣ хонум Анна Бйерде

.2023 , шаҳри Душанбе

7 март дар Қасри миллат Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ноиби Президенти Бонки ҷаҳонӣ оид ба Аврупо ва Осиёи Марказӣ хонум Анна Бйердеро ба ҳузур пазируфтанд.

Дар мулоқот масоили ҳамкории кунунӣ ва дурнамои робитаҳои Тоҷикистон бо Бонки ҷаҳонӣ мавриди баррасӣ қарор дода шуд.

Президенти мамлакат муҳтарам Эмомалӣ Раҳмон аз сатҳи ҳамкории дуҷонибаи Тоҷикистону Бонки ҷаҳонӣ давоми 30 соли шарикӣ ва татбиқи лоиҳаҳои гуногун дар кишвари мо бо иштироки ин ниҳоди молиявӣ изҳори сипосу қаноатмандӣ карданд.

Зимни суҳбат оид ба ҷалби бештари сармоягузориҳои шарикони рушд ба соҳаҳои тандурустӣ, маориф, ҳифзи иҷтимоӣ ва дастрасии аҳолӣ ба ғизои хушсифат табодули андеша сурат гирифт.

Дастгирии идомаи ислоҳоти иқтисодӣ, маблағгузории рушди соҳаи энергетика ва таъмини амнияти озуқаворӣ аз ҷумлаи ҳамкориҳои судманди Тоҷикистону Бонки ҷаҳонӣ арзёбӣ гардид.

Дар робита ба вазъи мураккаби геосиёсии ҷаҳони имрӯза ва шиддат гирифтани пайомадҳои он ҷиҳати пешгирӣ ва коҳиш додани таъсири хавфҳо ва омилҳои манфии таъсиррасон ба иқтисоди миллӣ роҳандозии татбиқи ислоҳоти муттасил зарур шумурда шуд.

Дар рафти мулоқот ҷонибҳо ҳамчунин оид ба дигар мавзуъҳои мавриди таваҷҷуҳ гуфтугуйи судманд анҷом доданд.

 

kaynak:http://www.president.tj/node/30157?utm_source=dlvr.it&utm_medium=twitter

 

 

]]>